Ministru Miguel Manitelu Konfirma Governu Sidauk Admite AirAsia Halo Operasaun Mai Timor-Leste

Hatutan.com, ( 10 Jullu 2024), Díli—Ministru Transporte no Komunikasaun (MTK), Miguel Marques Manitelu, konfirma Governu Timor-Leste seidauk admite operasaun aviaun komersiál AirAsia Indonézia mai Timor-Leste.

Lee Mós: Setembru, AirAsia Semo Hosi Denpasar Mai Díli

Jornalista Hatutan.com halo entrevista ho Ministru Transporte no Komunikasaun (MTK), Miguel Marques Manitelu. Foto/Tome da Silva

“Governu sidauk admite, imi dehan admite,” Ministro Miguel Marques Manitelu hateten hodi responde Hatutan.com bainhira akompaña Primeiru-Ministru (PM), Kay Rala Xanana Gusmão  halo observasaun bá arredores Portu Díli, Kuarta ( 10 /07/2024).  

Molok ne’e, iha Segunda (08/07/2024), empréza AirAsia husi Indonézia liuhosi Xefe Rede no Autoridade Aeroportu nian  Head network and airport authority), Edwin ho delegasaun hamutuk na’in-neen (6) hasoru-malu ona ho Primeiru-Ministru (PM) Kay Rala Xanana Gusmão, informa kona-bá sira-nia planu bá aviaun AirAsia ne’ebé sei hala’o mós voo mai Timor-Leste.

Tuir planu, iha inísiu fulan-Setembru 2024, Aviaun Komersiál  AirAsia (PT. Indonesia AirAsia) sei lansa  nia operasaun Denpasar-Bali, Repúblika Indonézia mai Díli, Timor-Leste (TL).

“Obrigadu, tanba ami bele mai iha ne’e. Ami husi AirAsia hakarak hato’o katak foin daudaun ne’e ami hasoru-malu ho Primeiru-Ministru, ami hato’o ona ami nia meta, ami nia intensaun atu bele semo mai Díli. Entaun, ami planeia hela, ami sei semo Denpasar-Díli, iha inísiu fulan-Setembru,” Xefe Rede no Autoridade Aeroportu, Edwin hateten hafoin aprezenta inisiativa ne’e bá Primeiru-Ministru iha Palásiu Governu, Díli.

Lee Mós: Kona-bá Operasaun AirAsia, Komisaun D-PN Husu Governu Prioritiza Empreza Timoroan

Jornalista: Leopoldina de Carvalho