Kalan-Ne’e, INFPM Simu Tan Produtu Médiku Item 40 iha Kontentór 40 Feet Rua

Hatutan.com, (15 Jullu 2024), Díli—Kompañia fornesedór produtu medikamentu  Sali-Magu, Segunda kalan (15/07/2024), hale’u tuku 21:46 Otl, hatama tan produtu medikamentu hamutuk 40 item bá Institutu Nasionál Farmásia no Produtu Médiku (INFPM).

Lee Mós: CNRT husu PNTL ho PCIC Buka Hatene Ema Sira Partilla HOAX Kona-bá Stoke Ai-Moruk

Karreta Kontentór hatuun hela produtu medikamentu item 40 iha armazén INFPM iha Kampu Alor, Díli, Segunda kalan (15/07/2024). Foto/Lazaro Pereira Quefi

Produtu médiku 40 item ne’e tula iha kontentór rua ho medida 40 feet daudaun ne’e iha ona resintu armazén INFPM iha Kampu Alor, Díli, ho nia kompozisaun mak hanesan; produtu medikamentu item 17, reajente item 21 no konsumaveis item rua (2).

Sita husi pájina ofisial Facebook  Instituto Nacionál de Farmácia e Produtos Médicos, Timor-Leste relata katak, produtu sira-ne’e hatama tuir kontratu ne’ebé hala’o entre kompañia no INFPM. Nune’e, produtu hirak ne’e entrega bá iha Equipa Recepsaun no Inspeksaun (R&I) halo verifikasaun molok entrega ba iha armazén Sentral INFPM hodi distribui

Iha loron hanesan INFPM  halao kontazen semestral nian bá Produtos Farmaceutico sira iha Armazén Sentral no Rejionál sira ho objetivu  atu sinkroniza produtu médiku sira a iha armazen entre fiziku, sistema elektronika, no kartaun atu nune’e la bele hamosu diskrepansi.

Kontazen ne’e halao husi dirasaun armazenamentu, no fahe áa ekipa lima (5). Ekipa hirak ne’e sei halao sira-nia atividade kontazen ne’e durante loron sanulu (10) hahu husi loron 15 to’o loron  25 fulan-Jullu 2024.

Molok ne’e, INFPM halo inspesaun bá kontentór ho medida 20 feet ho kuantidade ida (1) iha Portu Tibar ne’ebé hatama husi kompañia fornesedór sira.  

Ekipa inspesaun ne’e lidera diretamente husi Diresaun Aprovisionamento e Contratasaun Departamento Jestaun Kontrolu e Desalfandegamentu (DGCCD, sigla portugés) husi Ekipa Clearance. Produtu hirak ne’e bainhira to’o ona iha armazén INFPM  sei distribui bá fasilidade saúde iha territóriu nasionál.

Jornalista Estajiariu  : Lazaro Pereira Quefi