Saúde
R&I-MS Sei Verifika Ai-Moruk Item 40 iha Kontentór Rua husi Sali-Magu
Hatutan.com, ( 22 Jullu 2024), Díli—Ekipa Resepsaun no Inspesaun Ministériu Saúde (MS) halo hela verifikasaun bá ai-moruk item 40 iha kontentór rua ho medida 40 feed ne’ebé fornese husi Sali-Magu Unipessoal, Lda.
Lee Mós: Kalan-Ne’e, INFPM Simu Tan Produtu Médiku Item 40 iha Kontentór 40 Feet Rua
Sekretáriu R&I-MS, Domingos Pinto Guterres. Foto/Leopoldina de Carvalho
Ai-moruk kontentór rua ne’e hatama husi Sali-Magu bá INFPM dezde Segunda kalan, 15 fulan-Jullu 2024, no ekipa halo hela verifikasaun molok entrega bá armazén INFPM atu distribui bá ospitál sira, sentru saúde no postu saúde sira tuir pedidu.
Sekretáriu R&I, Domingos Pinto Guterres, Segunda (22/07/2024), bá jornalista sira, iha knar fatin, hateten maneira inspesaun ne’ebe ekipa R&I halo bazeia kontratu ne’ebé asina ona ho INFPM.
Presu ai-moruk ne’ebé iha tenke bazeia ba kontratu, ezemplu ai-moruk tablet ida (1), presu $1,25 entaun tenke nune’e se presu sa’e bá $1,50 i husu sira tenke hatún.
Produtu medikamentu item 40 iha kontentór rua (2) ho kuantidade 40 feed ne’e hatama husi kompañia Sali-Magu, mak hanesan medikamentu item 17, reajente item 21 no konsumaveis item rua (2).
Jornalista: Leopoldina de Carvalho