Relatóriu APC: Ema Na’in-rua Lakon Vida no Uma 28 Hetan Estragu Kauza Husi Dezastre Naturál

Hatutan.com, (29 Jullu 2024), Díli – Autoridade Protesaun Civil (APC) atualiza informasaun durante semana ida nia laran, hahú husi loron 15 to’o loron 22 fulan-Jullu 2024,  kona-bá dezastre naturál ne’ebé akontese iha Timor-Leste hodi rezulta  ema na’in-rua  lakon vida no komunidade nia uma  28 hetan estragu.

Lee Mós: APC Sei Instala Postu Bombeiru Hitu iha Área Protejida Sira no Rekruta Kadete Na’in-146

APC Munisípiu Manufahi liuhusi segundu komandante Bombeiru, José Reis da Costa hamutuk ho ekipa servisu hamutuk ho PNTL no servisu asaun sosiál Manufahi foti sai sidadaun ne’ebé monu ho motór no kondisaun mate iha Aldeia Batarclau, Suku Holarua, Postu Administrativu Same, Munisípiu Manufahi, Manufahi, 28 fulan-Jullu 2024. Foto/APC

Iha rejiaun Timor-Leste normal no akontese tipu dezastre maka CNOPC-APC rejistu kazu tipu dezastre hamutuk 3 mak kauza hosi Anin-Bo’ot, Ahi-han uma no Rai-halai.

Iha Municipio Ermera, Postu Administrativu Hatulia B, Suku Urahou, Aldeia Caitorloa, iha loron 16 fulan-Jullu 2024 akontese rai-halai estraga komunidade nia uma  ualu (8).

Iha Suku Fatubolu, Aldeia Poerema, iha loron 17 fulan-Jullu 2024 akontese joven na’in ida ho naran Januário Martins idade 46 lakon vida kauza husi vítima monu ba rai naruk nune’e família hetan fali mate isin iha loron 19 fulan-Jullu 2024.

Iha Postu Administrativu Railaku, Suku Railaku Leten, Aldeia Tunulero, iha loron 11 fulan-Jullu 2024 akontese anin sobu komunidade nia uma  ida (1).

Iha Postu administrativu Ermera Villa, Suku Estado, Aldeia Tasaguina, iha loron 12 fulan-Marsu 2024 akontese anin sobu estraga komunidade nia uma ida (1).

Iha Suku Estado, Aldeia Moris mesak, iha loron 14 fulan-Marsu 2024 akontese Anin sobu estraga komunidade nia uma ida (1).

Iha  Munisípiu Lautem, Postu Administrativu Lautem, Suku Manha II, Aldeia Tiduloro, iha loron 12 fulan-Juñu 2024 akontese anin sobu komunidade nia uma dapur ida (1).

Iha Munisípiu Manatuto, Postu Administrativu Manatuto Villa, Suku Aitas, Aldeia Uma Sau, iha loron 12 fulan-Jullu 2024 akontese anin sobu komunidade nia uma  ida (1).

Iha Suku Kai rua, Aldeia Bie Bae, iha loron 11 Jullu 2024 akontese ahi han komunidade nia uma  ida (1).

Iha Munisípiu Manufahi, Postu administrativu Same, Suku Daisua, Aldeia Loti, iha loron 18 fulan-Jullu 2024 akontese ahi han komunidade nia uma  ida (1).

Munisípiu Baucau, Postu Administrativu Laga, Suku Sagadate, Aldeia Iasula, iha loron 05 fulan-Jullu 2024 akontese anin sobu komunidade nia uma ida (1).

Iha Postu Administrativu Baguia, Suku Larisula, Aldeia Baiana, iha loron 12 fulan-Jullu 2024 akontese labarik ho idade tina 5 lakon vida kauza husi monu ba bee-naruk.

Iha Postu administrativu Baguia, Suku Lawateri, Aldeia Fanulolo , iha loron 10 fulan-Jullu 2024 akontese anin sobu komunidade nia uma ida (1).

Munisípiu Bobonaro, Postu administrativu Balibo, Suku Cowa, Aldeia Lalis, iha loron 15 fulan-Jullu 2024 akontese ahi han komunidade nia uma ida (1).

Iha Postu Administrativu Lolotoe, Suku Guda, Aldeia Anon, iha loron 13 fulan-Jullu 2024 akontese Ahi han komunidade nia uma  ida (1).

Iha Suku Guda, Aldeia Anon, iha loron 24 fulan-Marsu 2024 akontese rai halai estragu komunidade nia uma tolu  (3).

Iha Rejiaun Administrativu Espesiál Oé-Cusse Ambeno (RAEOA) Sub Rejiaun Nitibe, Suku Banafi, Aldeia Hautefo, iha loron 13 fulan-Jullu 2024 akontese Rai halai estraga komunidade nia uma ida (1).

Iha Suku Banafi, Aldeia Hautefo, iha loron 15 fulan-Jullu 2024 akontese rai-halai komunidade nia uma ida (1).

Suku Bene ufe, Aldeia Citrana, iha loron 14 fulan-Jullu 2024 akontese ahi-han komunidade nia uma  ida (1).

Iha Suku Suni ufe, Aldeia Welnanoe, iha loron 12 fulan-Jullu 2024 akontese anin sobu komunidade nia uma  ida (1).

Iha Sub Rejiaun Pante Makasar, Suku Costa, Aldeia Mahata, iha loron 13 fulan-Jullu 2024 akontese ahi han komunidade nia uma ida (1).

Iha Suku Naimeco, Aldeia Teinae, iha loron 13 fulan-Jullu 2024 akontese anin sobu komunidade nia uma ida (1).

APC Munisipiu ho Parseiru Relevante fornese asisténsia emerjénsia ba família afetadu sira mak hanesan Ai-han no la’ós Ai-han (food item & Non-food Item) no sei kontinua halo hela levantamentu detallu kona-ba sasán ne’ebe estragu no lakon.

Situasaun Rai-nakdoko, akontese rai-nakdoko iha Tasi Pante Makasar RAEOA iha loron 18 fulan-Jullu 2024 iha oras tuku 01 : 18 ho nia magnitude 3.6 -8.87 123.98 ho nia profunidade 10 Km.

Akontese rai-nakdoko iha tasi Pante Makasar, RAEOA iha loron 19 fulan-Jullu 2024 iha oras tuku 21: 46 ho nia magnitude 3.4 loc-9.25 124.11 ho nia profunidade 45 Km.

Akontese rai-nakdoko iha Tasi Pante Makasar, RAEOA iha loron 22 fulan-Jullu 2024 iha oras tuku 14:17 ho nia magnitudo 3.1 loc -8.91 124.14 ho nia profunidade 60Km.

“APC hakarak rekomenda ba komunidade hotu karik akontese anin-boot husu ba komunidade hotu-hotu atu bele hasees an hosi fatin risku sira hanesan ai-hun boot, foho lolon no seluk tan. Iha Kazu emerjénsia ruma halo tuir orientasaun Autoridade Lokál ka  Pessoal Protesaun Sivíl ne’ebe besik, karik presiza halo evakuasaun, mantein kalma nafatin buka fatin ne’ebe seguru no evita pániku” Diretór Gabinete Relasaun Externa no Komunikasaun, (GREK-APC), Cesario da Silva Marques  informa liuhusi konferénsia imprensa ne’ebé hala’o iha edifísiu APC, Caicoli, Díli, Segunda (29/7/2024).

APC Alerta

Monitorizasaun liuhusi  previzaun husi modelu Meteorolójiku husi (WMO, BOM. BMKG no DNMG-TL) no Monitoriza ba Earthquake ka rai – nakdoko liu husi GTS, Website, Email, SMS no Regional Tsunami Service Provider (RTSP) Indonesia, Austrália no India.

Kondisaun Tempu

Iha semana kotuk nia laran atmosfera estavel maioria naroman iha territóriu Nasionál eseptu kosta sul mak kalohan taka kauza udan xuviska prinsipalmente husi munisípiu ne’ebe besik foho hanesan  iha Covalima, Viqueque, Lautem, Manufahi, Ainaro, Manatuto.

Kondisaun Anin

Anin huu velosidade normal – natoon iha rejiaun sentrál no anin huu ho velosidade Moderadu-Forte to’o Forte liu iha rejiaun Kosteiras liu – liu Munisípiu Baucau, Dili, Manatuto, Lautem, Viqueque, Bobonaro, Covalima, Liquiça, Atauro inklui RAEOA.

Kondisaun Laloran

Kosta Norte nia aas varia husi 0.5 – 1.7 metru (Kategoria Normal-Natoon)

Kosta Sul nia a’as varia husi 1.3 – 2.5 metru (Kategoria Natoon-Forte)

Jornalista Estajiáriu : Lazaro Pereira Quefi