Ekonomia
Fundasaun Alola ho ABA ROLI Fasilita Formasaun bá Feto Maluk sira Asesu bá Programa Kreditu Nasionál
Hatutan.com, (03 Outubru 2024), Díli–Fundasaun Alola ho American Bar Association Rule of Law Initiative (ABA ROLI), Kinta (03/10/2024), realiza workshop ida ho topiku, “Atividade Pratika Komunidade no Formasaun Jestaun Negosiu no Literasia Finanseira” atu bele fasilita feto maluk sira-nia asesu ba programa kreditu nasionál ne’ebé Governu suporta iha Timor-Leste.
Partisipante sira simu sertifikadu hafoin partisipa formasaun kona-bá oinsá atu bele fasilita feto maluk sira-nia asesu ba programa kreditu nasionál. Foto/Leopoldina de Carvalho
CEO Fundasaun Alola, Maria Imaculada Guterres, hateten Fundasaun Alola nafatin iha kompromisu atu suporta feto maluk sira ho negosiu kiik sira no mós grupu feto kona-bá grupu soru-tais ka grupu fó kreditu sira ne’ebe mak estabelese ona iha teritoriu nasionál, liu husi programa hakbiit feto.
“Hanesan grupu feto sai modelu ka ezemplar ba grupo sira seluk ne’ebé mak hakarak sente, hakarak aprende liu tan, hakbiit liu tan, haforsa liu tan sira-nia negosiu, ne’ebé fahe ona tempo loron-rua (2), husi loron 02 to’o loron 03 fulan-Outubru ne’e, hau fiar katak ita boot sira mak sei aprende barak liu tan, aprende ona mós husi kolega sira maluk sira ne’ebé mak susesu ona iha sira-nia negosiu,” Maria Imaculada Guterres hateten iha atividade praktika komunidade no formasaun jestaun negosiu no literasia finanseira ne’ebé hala’o iha salaun Otel Timor, Díli.
Iha biban ne’e reprezentante husi Grupu Kurin Timor, kona-bá soru tais, no mós dezeña roupa kombinasaun ho tais, Maria Auxiliadora Freitas hato’o agradese ba fundasaun Alola ho parte relevante sira ne’ebé apoiu ona grupu feto hodi realiza formasaun ba feto maluk sira durante loron-rua nune’e bele apoiu feto sira nia atividade negosiu.
“Ne’e formasaun ida ne’ebe fórma ita oinsa promove produtu lokal bele sai produtu ne’ebé kualidade hodi fó rendimentu atu ajuda sustenta família no mós dezenvolve nasaun,” nia hateten.
Partisipante ba eventu ne’e mai husi parte interesada xave sira ne’ebé halao diskusaun nakloke kona-bá lakuna ne’ebe limita feto nia asesu ba programa kreditu nasionál.
Alola iha esperansa boot katak husi diskusaun ne’e bele hamosu ideia ba lakuna ne’ebe grupu feto sira hetan durante asesu ba program kreditu nasional.
Fundasaun Alola ho ABA ROLI Fasilita Formasaun bá Feto Maluk sira Asesu bá Programa Keeditu Nasionál. Foto/Leopoldina de Carvalho
Formasaun ba loron dahuluk nian mak ho topiku :
- Oinsa Asesu ba Kreditu nebe Governu Suporta,
- Oinsa hahú Negosiu Ida (Koñese nia-an nu’udar emprendedór, Klasifikasaun Negosiu). Depois han media, sesaun loron dahuluk formasaun kontinua ho materia
- Analisa SWOT ba Negosiu
- Planu Negosiu ne’ebé sei lori partisipante sira atu komprende kle’an oinsá atu hala’o negósiu ho diak, jere sira-nia rendimentu no prontu atu foti risku negósiu nian iha ámbitu apoiu finanseiru no kapasitasaun.
Formasaun ba loron daruak partisipante sira sei aprende liu-tan kona-ba ;
- Fatores Importante 5 ba Prespektiva Merkadu
- Oinsa Hau Tau Matan ba Hau Nia Negosiu no Família
- Jestaun Finansa (Jurnal Negosiu) Formatu Lista Sosa no Fa’an produtu.
Durante atividade formasaun ne’e, ekipa fasilitator sira reganiza mós jogus no diskusaun grupu no sesaun formasaun kontinua ho material (8) formatu kontribuisaun partisipante sira sei aprende liu-tan kona-ba ;
- Fatores Importante 5 ba Prespektiva Merkadu
- Oinsa Hau Tau Matan ba Hau Nia Negosiu no Familia. Iha sesaun tuir mai depois kafe dader, partisipante sira sei foku liu sira nia formasaun ho materia
- Jestaun Finansa (Jurnal Negosiu), Formatu Lista Sosa no Fan produtu. Durante atividade formasaun ne’e, ekipa fasilitator sira sei oeganiza mos jogus no diskusaun grupu
- Formatu kontribuisaun grupu nomos (9)Formatu osan tama no osan sai. Iha sesaun ikus antes entega ofisialmente sertifikadu, fasilita husi ekipa Alola, partisipate sira sei fo sira rekomendasaun
- Formatu osan tama no osan sai
Iha sesaun ikus nian, partisipate sira fó sira rekomendasaun, hafoin simu sertifikadu.
Jornalista : Leopoldina de Carvalho