Nasionál
Veteranu 4.400 Rejistu iha 2003, Simu Kondekorasaun iha Loron Proklamasaun Independénsia
Hatutan.com, (14 Novembru 2024), Díli- Prezidente Administrasaun Conselho de Combatentes da Libertação Nacional (CCLN), Vidal de Jesus “Riak Leman”, informa tuir planu estadu sei fó kondekorasaun ba veteranu sira hamutuk 4.400 ho medalla orden tolu hanesan orden funu na’in, orden gerrilla ho orden Nicolau Lobato.
Lee Mós: La Prevee iha OJE 2024, Governu Seidauk Anúnsia Lista Veteranu Rejistu 2009
Prezidente Administrasaun CCLN, Vidal de Jesus “Riak Leman” ho nia kometiva hafoin audensia ho Prezidente Repúblika, José Ramos-Horta iha Pálasiu Prezidensiál, Kinta (14/11/2024). Foto/Espesiál
Prezidente Administrasaun CCLN, Vidal de Jesus “Riak Leman” informa ba jornalista sira iha Palásiu Prezidensiál, Kinta (14/11/2024), hafoin enkontru ho Prezidente Repúblika hodi trnasmite asuntu prinsipál atu fó kondekorasaun ba veteranu sira nivél nasionál.
“Atu fahe medalla ne’e iha orden tolu, orden ida mak funu na’in, orden gerrilla no orden Nicolau Lobato, ida ne’e medalla ne’ebé atu fó ba veteranu sira no sei hahú iha loron 26 to’o loron 28 fulan-Novembru,” “Riak Leman” hateten.
Veteranu sira simu kondekorasaun ne’e rejista iha tinan 2003 no Prezidente Repúblika, José Ramos-Horta rasik aseita no konkorda no tuir orientasaun Prezidente Repúblika nian.
Jornalista: Vito Salvadór