Vise-PM Francisco Kalbuadi Lay Asina Akordu ho Bilionáriu Oei Hong Leong iha Área Tolu

Hatutan.com, (21 Novembru 2024), Díli- Vise-Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay, Kinta (21/11/2014) iha Centro Convenção Díli (CCD) asina akordu ho bbilionáriu hosi Singapura, Oei Hong Leong iha área tolu hanesan turismu no ambiente, telekomunikasaun transporte no mós iha área dizitalizasaun.

Lee Mós: Vise-PM Francisco Kalbuadi Lay Mobiliza Bilionáriu Nain-tolu Mai ho Jet Privadu

Vise-Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay asina akordu ho biliónariu hosi Sangapura, Oei Hong Leong iha CCD, Kinta (21/11/2024). Foto/Tome da Silva

Vise-Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente Francisco Kalbuadi Lay, informa iha akordu tolu mak asina; ida iha área Turismu no Ambiente, Telekomunikasaun Transporte nune’e mós iha area dijitalizasaun husi kompañia ne’ebé lidera hosi  bilionáriu ida husi Singapura.

“Nota entendimentu entre ha’u hanesan Ministru Koordenadór Asuntu Ekonomiku ho bilionáriu Hoen Leon kona-bá saida mak sira sei investe iha Timor-Leste liu-liu ba area mariñu signifika ró sira ne’ebé mak hanesan iha Oé-Cusse, Díli ba Atauro ne’e mak atu dezenvolve,” Francisco Kalbuadi Lay hateten.

Akordu seluk ne’ebé  asina mós iha eventu Forum Investimentu Turizmu Timor-Leste ne’e entre Ministru Komérsiu Indústria iha área otomotif nian.

Bilionáriu husi Singapura Oei Hong Leong mai partisipa Forum Investimentu Timor-Leste ho jet privadu no simu direita husi Vise-Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente Francisco Kalbuadi Lay.

Jornalista: Vito Salvadór