PN Preokupa Broker Buras iha Instituisaun Estadu no Husu Kombate Imediata

Hatutan.com, (04 Dezembru 2024), Díli– Reprezentante povu iha Parlamentu Nasionál (PN) preokupa broker sira ne’ebé aproveita instituisaun estadu nian hodi buka lukru ba sira-nia aan no sira-nia grupu.

Lee Mós: MJ Sei Limpeza Funsionáriu Broker iha Servisu Rejistu Notariadu Díli

Timoroan sira tuur hein iha edifisiu Diresaun-Jerál Servisu Rejistu no Notariadu, hodi trata sira-nia pasaporte. Foto/Dok.Leopoldina de Carvalho

Broker maka individuu ka empreza ida ne’ebé sai hanesan intermediáriu entre investidór sira ka kompradór sira no vendedór sira hosi ativu sira ka merkadu kapitál nian. Broter  mós koñesidu hanesan kontraktor.

Broker ne’ebé Deputadu sira iha PN preokupa mak akontese iha Servisu Notariadu, Ministériu Justisa (MJ) nian hodi aproveita fasilita trata ema nia pasaporte hodi hetan porsentu ka hetan lukru ba sira-nia interese.

Membru PN hosi Bankada FRETILIN, António Moniz Calau hateten broker sempre akontese  iha Minstériu Justisa liuliu iha Diresaun Jerál  Servisu Rejistu  Notariadu ne’ebé buka fasilita ema sira trata pasaporte ka sertidaun RDTL inklui trata Billete Identidade hodi hetan porsentu

“Iha audiénsia ho Ministru Justisa  sempre hato’o asuntu broker  bá Ministru Justisa  atu haree asuntu ne’e, maibé situasaun broker kontinua la’o nafatin,” Deputadu António Moniz  Clau haktuir iha plenaria PN, Tersa (03/12/2024).

Informasaun ne’ebé Deputadu ne’e iha katak broker sira ne’e kobra sidadaun sira ne’ebé atu trata pasaporte ho lais kada ema fó $250.00 no hosi prosesu trata dokumentu pasaporte nian to’o simu pasaporte iha liman ne’e kustu boot liu mak $100.00 nunee broker sira hetan lukru $150.00 kada pasaporte. Husu bá vise Ministru asuntu Parlamentár atu haree anota sé bele ita hakotu korenti broker sira ne’e, inklui broker sira ne’e mós akontese iha Ministériu Finansa, no mós iha Portu Díli,” Deputadu António Moniz Calau informa.

Membru Bankada FRETILIN, José da Crúz informa mós katak, dalabarak  rona broker ne’ebé akontese iha Ministériu Jusitisa ne’ebé mak fasilita emisaun  pasaporte bá sidadaun sira liuhosi dalan  broker no ida-ne’e eviita ka hapara situasaun sira hanesan ne’e tanba passaporte ne’e dokumentu Estadu nian ne’ebé bá siadadaun hotu-hotu atu asesu, la’ós komersializa fali situasaun ida-ne’e iha instituisaun Estadu.

Hatán bá preokupasaun ne’e Vise-Ministru Auntu Parlamentár Adérito Hugo da Costa hateten situasaun bá trata dokumentu pasaporte ein-prinsipiu livru sira ne’e iha hela bá halo atendimentu bá populasaun ne’ebé iha.

Ezisténsia bá broker normalmente asuntu ne’e mós akontese iha portu antigu mós iha broker portu atuál mós iha broker

“Ha’u hanoin situasaun ne’ebé Governu móss haree hela para depois ezisténsia  kestaun broker ne’e tenke hapara, tanba iha ne’ebá dalaruma iha rekursu ne’ebé  koleta kustu elevadu ezisténsia tinan barak rejime ida autorizasaun broker sira halo fasilita karta sira surat importasaun sasan sira ho esportasaun nian,” Vise-Ministru Adérito Hugo da Costa tenik.

Nia hatutuan iha  espasu posibilidade kobransa  elevadu halo impedimentu selu-seluk tán, observasaun deputadu sira nian  sei rejistu no sei aprezenta bá Ministériu Justisa iha Reiniaun Konsellu Mininstru.

Jornalista Estajiária: Zita Menezes