Edukasaun
EBC Faról Hala’o Orientasaun Loron-Tolu Ba Estudante Foun 200-resin
Hatutan.com, (07 Janeiru 2025), Díli – Eskola Ensinu Báziku Sentral Faról, Díli, hahú prosesu aprendizajen 2025 nian hahú ho orientasaun loron-tolu ba estudante foun hamutuk 200-resin nune’e semana oin prosesu aprendizajen sei la’o hanesan baibain.
Eskola Ensinu Báziku Sentral Faról, Díli. Foto/Tome da Silva
Ensinu Báziku Sentral Farol destaka iha Aldeia Lirio, Suku Motael, Postu Administrativu Vera Cruz, Munisípiu Díli.
“Segunda semana oin, aprendizajen sei la’o hanesan baibain” Diretora EBC Faról, Brigida Faustina Soares Guterres Coelho hateten ba Hatutan.com iha nia knar fatin, Tersa (07/01/2025). Nia hato’o mensajen ba estudante foun sira bainhira tama ona iha Eskola ida tenke kumpre regulamentu eskola nian ne’ebe estabelese iha Eskola ne’e rasik.
Ba fasilidade sira iha Ensinu Báziku Sentral Faról hanesan sala de aula inklui meza ho kadeira agora daudaun sufisiente nune’e ba profesór sira mós sufisiente hela.
Jornalista Estajiáriu: Lazaro Pereira Quefi