Governu Sei Selu Indemnizasaun ba Uma Sira Ne’ebé Governu Sobu iha Fomentu II

Hatutan.com, (09 Janeiru 2025), Díli- Governu ne’ebé lidera hosi Primeiru-Ministru (PM), Kay Rala Xanana Gusmão halibur ona kontra bankaria família 288  ne’ebé afetadu hosi evikasaun iha área Fomento II, Díli atu hetan indemnizasaun.  

Lee Mós: Bankada FRETILIN Lamenta Governu Hasai Povu iha Fomentu II La Ho Dignu

Moru protesaun ne’ebé lahuk no besik monu ona fó risku boot ba uma-kain hamutuk 288 iha mota-ibun área Fomento II, Díli. Foto/Tome da Silva

Primeiru-Ministru Kay Rala Xanana Gusmão hateten família afetadu sira hosi despezu administrativu ne’ebé too agora seidauk simu indemniizasaun husi governu bele hakerek karta direita ba nia atu simu direitu.

Primeiru-Ministru Kay Rala Xanana Gusmão hateten  governu iha hanoin atu fó indemnizasaun ba hotu-hotu, laiha ema ida ne’ebé laiha indemnizasaun.

“Ba sira iha Bidau Sengol ne’ebé dehan to’o agora seidauk hetan indemnizasaun hakerek karta mai ha’u atu ha’u haruka SEATOU no sira seluk haree tanbasá mak imi seidauk selu sira,” Xanana Gusmão haktuir ba jornalista sira iha Palásiu Prezidensiál hafoin hasoru malu ho Prezidente Repúblika José Ramos-Horta, Kinta (09/01/2025).

Tuir Dekretu-Lei Nú. 13/2017 de 5 de Juñu kona-ba Eviksaun hateten aktu administrativu ne’ebé Governu foti obrigatóriamente bem-imovel (ex: uma/rai) ne’ebé antes pertense ba Estadu konside- radu direitu anterior terseiru (Estadu mak rai-na’in/proprietáriu anteriór) no troka ho indemnizasaun ho valór menus.

Servisu Eviksaun ne’e interministeriál

Moru protesaun balu monu no tohar hodi halo bee mota tama komunidade nia uma iha área Fomento II, Díli. Foto/Tome da Silva

Iha Kuarta-kalan (08/01/2025), Xanana hamutuk ho entidade sira akompaña no asiste direta lori sai komunidade sira ne’ebé hela iha área eviksaun nian iha Fomento II  ba Karantina, Tasi-Tolu no ba sira ne’ebé husu atu transporta nia sasan ba munisípiu, Governu fasilita transporte no osan hodi fasilita sira ba munisípiu.

Iha primeiru enkontru ho Prezidente Repúblika ne’e la’ós atu ko’alia barak, la’ós mós atu ko’alia buat hotu-hotu kedas maibé pelumenus iha fulan tolu primeiru ne’e atu halo buat ruma.

Jornalista: Vito Salvadór