Ministra Reinu Unidu bá Indo-Pasífiku Catherine West Halo Vizita Kortezia Ba PN

Hatutan.com, (24 Janeiru 2025), Díli– Ministra Reinu Unidu bá Indo-Pasífiku Catherine West, Sesta (24/01/2025), halo vizita kortezia ba  Parlamentu Nasionál (PN) hodi ko’alia liubá asuntu traballadór Timoroan iha Reinu Unidu no problema  Climate Change ne’ebé daudaun ne’e sai preokupasaun mundu nian.

Lee Mós: Reinu Unidu Kontinua Apoia TL

Ministra Reinu Unidu bá Indo-Pasífiku Catherine West halo vizita kortezia ba Parlamentu Nasionál (PN), Sesta (24/01/2025). Foto/Zita Menezes

Ministra Reinu Unidu bá Indo-Pasífiku Catherine West  nia prezensa iha PN simu direta husi Prezidenti Parlamentu Nasionál Maria Fenanda Lay no konsidera vizita ida-ne’e hanesan vizita ba datoluk  estadu Reinu Unidu nian mai  Timor-Leste.

“Reinu Unidu importante tebes no kontextu ekonómia. Ita-nia traballadór barak mak bá, ami koalia ho esperansa ida katak sei iha kooperasaun di’ak liu tan entre estadu rai rua ne’e ba oin hodi organiza diak liu tan ita-nia traballadór ba Reinu Unidu,” PPN Maria Fernanda Lay haktuir bá Jornalista sira hafoin remata enkontru entre parte sira iha PN.

Reinu Unidu agradese bá partisiapasaun traballadór sira iha ne’ebá sira mós presiza forsa traballadór sira iha Reinu Unidu, nune’e PN husu sé bele Governu prepara didi’ak para traballadór bá ne’e sira iha skill ne’ebé presiza duni.

Jornalista Estaiária: Zita Menezes