Governu Sei Estabelese Kontratu ho Ospitál iha Austrália Simu Pasiénte husi Timor-Leste

Hatutan.com, (06 Fevereiru 2025), Díli– Governu liuhosi Ministériu Saúde (MS) sei estabelese tan kontratu ho ospitál sira iha Darwin-Austrália atu bele simu pasiente sira ne’ebé transfere hosi Timor-Leste.   

Lee Mós: Deskonfia, Resibu Dívida Millaun $18 husi Ospitál Estranjeiru iha Jogada

Vise-Ministru asuntu Parlamentár Aderito da Costa Hugo. Foto/Dok

“Oras ne’e Minstériu Saúde hetan ona orientasaun no sira loke hela kontaktu, kuandu seidauk transferé ita seidauk iha akordu, akordu ne’e tenke Minstériu Saúde mak bele halo no pontu saida mak atu regula iha akordu ne’e para depois ita bele tama bá implementasaun,” Vise-Ministru Asuntu Parlamentár, Adérito da Costa Hugo informa ba Jornlista  iha Parlamentu Nasionál, Kinta (06/03/2025).

Iha semana kotuk Governu  ko’alia kona-bá posibilidade haree tán kontratasaun ho ospitál sira iha Darwin Austrália, tanba transferé pasiénte husi Timor-Leste  bá Darwin  la to’o oras ida.

Nia hateten, akordu ne’e seidauk  implementa, maibé Governu sei halo aproximasaun ho ospitál iha Darwin ho rekejitu sira tanba Darwin besik no halo intervenzaun ba pasiénte emerjénsia sira iha ne’e bele semo ho aviaun  la to’o oras ona.  

Iha prinsipíu Orsamentu Jerál Estadu (OJE) 2025 Governu aloká tán ona  millaun $18 atu Minstériu Saúde bele  selu ba divida sira iha anteriór iha ospitál sira  iha Indonézia, Singapura no Malázia  no mós orsamentu bá kontrasaun kontinua bá 2025 nian.

Jornalista Estajiária: Zita Menezes