Komisaun A Haree Ona Sintoma Reforma Administrasaun Públika

Hatutan.com, (19 Fevereiru 2025), Díli– Komisaun A Parlamentu Nasionál ne’ebé trata asuntu Lejizlasaun no Justisa,  haree ona sintoma ba reforma administrasaun publika hosi ejersisiu IX Governu Konstitusionál.

Lee Mós: Governu ho CFP Avalia Prioridade ba Tinan 2025 iha Reforma Administrasaun Públika

Prezidente Komisaun A PN, Patrocinio Fernandes. Foto/Zita Menezes

“Reforma administrasaun públika ne’e buat ida boot, mais iha ona sintoma  ne’ebé hatudu katák  komesa la’o daudaun ona bá iha ne’ebá,” Prezidente Komisaun A PN, Patrocinio Fernandes, informa bá Jornalista sira iha PN, Kuarta (19 Fevereiru 2025).

Membru Bankada CNRT ne’e informa Governu husu ona ba Parlamentu Nasionál no autoriza bá Governu atu lejizlasaun kona-bá lei bá reforma obrigatóriu, la’ós ida-ne’e mak bolu reforma obrigatóriu, maibé ne’e parte ida husi ne’ebá katák atu haree bá oinsá mak atu hadi’ak kualidade administrasaun servidór sira ne’ebé mak servisu iha administrasaun públika.

Governu mós komesa halo tuir dekretu sira para depois fó kompeténsia boot uitoan bá to’o iha munisipiu sira ne’e parte ida atu evita uitoan burokrasia administrativa husi administrasaun públika.

Nia mós hateten Governu  komesa haree atu hadi’ak buat ida naran administrasaun públika, atu ko’alia kona-bá reforma administrasaun públika ne’e prosesu ida ne’ebé mak liga ho buat barak no presiza tempu.

Komisaun A nia rekomendasaun mak introdús polítika sira mai husi Governu mai iha lejizlasaun sira halo  debate depois  hato’o hanoin no opiniaun  sira ne’e no  rekomendasaun sira ne’ebé tau hamutuk ho polítika Governu nian para hadi’ak administrasaun públika sai di’ak liután.

Jornalista Estajiária: Zita Menezes