Vietnam Ajuda Timor-Leste Liuhosi Apoiu Ai-Han

Hatutan.com, (06 Marsu 2025), Díli– Primeiru-Ministru, Kay Rala Xanana Gusmão, durante ne’e Vietnam ajuda tebes Timor-Leste liuliu iha tinan 2009 krize ai-han mundiál, Vietnam apoiu ai-han mai Timor-Leste.

Lee Mós: TL-Vietnam Asina Akordu Izensaun Vistu Bá Pasaporte Servisu ho Diplomátiku

Primeiru-Ministru Kay Rala Xanana Gusmão. Foto/Tome da Silva

“Ita sei buka took oinsá atu koopera ho Vietnam. Vietnam ajuda tebes ita iha tinan 2009 krizé mundiál ai-han ita mós susar  tebe-tebes no Vietnam bele ajuda ita hodi importa ai-han bele apoiu asisténsia mai povu Timor,” PM Xanana Gusmão hateten bá Jornalista sira hafoin halo enkontru semanal ho Prezidente Repúblika, José Ramos-Horta iha Palásiu Prezidensiál, Kinta (06/03/2025).

Xanana hateten ai-han inportasaun hirak  husi Vietnam ne’e faan fali presu ki’ik no iha tempu ne’ebá Timor-Leste  konsegé duni rezolve problema krizé mundiál ai-han enkuantu iha nasaun seluk hanesan iha Indonézia halo manifestasaun bei-beik tanba krizé ai-han iha momentu ne’ebá.

Xefe Governu ne’e afirma  Vietnam mós prodús ai-han barak tebe-tebes no mós iha Kambodia mós hakarak oferese ai-han inportasaun, ne’ebé Timor-Leste iha kooperasaun agrikultura  di’ak ho nasaun barak ne’ebé mak oferese ai-han importasaun liuhosi foos no selu-seluk tán .

Primeiru-Ministru haktuir ho  Prezidenti Repúblika  informa  Governu Timor-Leste hala’o workshop iha munisípiu sira hanesan iha  Ermera ho Lautém hodi hasoru malu ho setór privadu sira hodi bele kurizi ona oinsá povu preferé atu hadi’a estarda no produsaun kafé ho natár.

Jornalista Estajiária: Zita Menezes