Kambodia Apoiu Totalmente Adezaun Timor-Leste Ba ASEAN

Hatutan.com, (08 Maiu 2025), Díli– Iha vizita ofisial Prezidente Senadu Reinu Kambodia, Samdech Akka Moha Sena Padei Techo Hun Sen bá Parlamentu Nasionál Timor-Leste,  Kinta (08/05/2025), afirma Kambodia  nia apoiu totalmente adezaun Timor-Leste nian ba membru plena ASEAN.

Lee Mós: Prezidente Senadu Reinu Kambodia Hun Sen ho Delegasaun Hamutuk Na’in-43 Vizita Timor-Leste

Prezidente Senadu Reinu Kambodia, Samdech Akka Moha Sena Padei Techo Hun Sen hato’o diskursu iha PN, Kinta (08/05/2025). Foto/Zita Menezes

Prezidente Senadu Reinu Kambodia, Samdech Akka Moha Sena Padei Techo Hun Sen espresa nia konviksaun katák Timor-Leste merese atu sai nu’udár membru ASEAN ba dala-XI hodi hatutan tan katák Kambodia apoia tomak Timor-Leste nia adezaun tomak ba ASEAN husi inísiu no serbisu maka’as hodi promové konsensu ASEAN nian kona-bá proposta Timoroan nian.

Nia hatutan tan katák aprezentasaun sei kontribui hodi fornese elementu sira ne’ebé iha valór ba reflesaun no baze ba komparasaun ho mekanizmu serbisu Timor-Leste nian iha ASEAN, iha sosiedade Timoroan nia leet.

Iha fatin hanesan Prezidenti Parlamentu Nasionál Maria Fernanda Lay hateten, ho sorumutu importante ida-ne’e ho hanoin katák Kamboja hanesan fundadór ASEAN, importante iha parseiru aproxima, tanba nia halo negosiasaun ho Myanmar no Laos inkluí mós Prezidenti Repúblika Indonézia nian, para apoia Timor-Leste  adezaun bá ASEAN.

Klaru katák iha paizes balu mak sei hanoin rua ligadu ho desvantajen Timor-Leste atu tama bá ASEAN, mais ho diskursu prezidenti senadu Komboja fó enerjia mai Timor-Leste  Katák momentu sira tama mós sira nian kbiit ki’ikoan $280  maibé ohin loron sira sa’e to’o millaun  $3 itál.

“Timor-Leste iha posizaun ida di’ak tebes tanbasa, ita nian ped  atuál tuir Banku mundiál nia dadus millaun itál, posibelmente ita sai membru ASEAN nian merkadu loke luan liután bá ita, no populasaun ASEAN nian tau tán bá País CPLP nian ne’ebé envolve kontinente haat, no iha enkontru ohin ha’u hateten katák Timor-Leste sei multi bá plataforma ne’ebé kolokadu bá,”Dehan PPN Maria Fernanda Lay.

PPN afrma tanba sei loke merkadu no komprandór bá produtu sira ne’ebé Timor-Leste  iha, no i sai ponte bá sira para bele faan sira nian sasan ne’ebé sira antusiás tebes apoiu Timor-Leste ho esperiénsia sira nian katák  Timor-Leste sei hetan benefísiu barak liuliu benefísiu di’ak bá povu.

Jornalista Estajiária : Zita Menezes