Kazu Krime Partisipasaun Ekonomia iha Negosiu no Administrasaun da Noza Deskonfia Envolve António Kalohan ho Arguidu Na’in-12 Seluk Tan Eziste Hela iha Tribunál

Hatutan.com, (13 Juñu 2025), Díli– Tribunál Judisiál Primeira Instánsia Díli (TJPID),  Sesta (13/06/2025), adia julgamentu kazu kirme partisipasaun ekonomia iha negosiu no administrasaun da noza  ne’ebé deskonfia envovle husi eis-Ministru Komersiu, Indústria  no Ambiente (MCIA), António da Conceição “Kalohan” ho  arguidu na’in-12 seluk tan.

Lee Mós: Tribunál Kontinua Rona António Kalohan ho Arguidu Na’in-12 Seluk bá Kazu “Críme Participação Económica em Negóçio e Administração da Noza”

António Conceição “Kalohan”. Foto/dok.Espesiál

Kazu ne’e akontese iha 2014 bainhira António Kalohan sei asume knaar Ministru Komérsiu, Indústria no Ambiente, halo desizaun hodi apoia osan subvensaun públika bá grupu benefisiáriu Loja do Povo iha Aileu, Ainaro ho Covalima.

Iha  julgamentu ne’e juiza  Jumiati  Freitas  hateten,  kazu ne’e   tribunál ádia tanba  tribunál sidauk lee hotu faktu sira ne’e tanbá foin halo deliberasaun, nune’e presiza tempu tanba tribunál  haree faktu sira husi kazu ne’e kuaze  pájina 25 tanbá ne’e tribunál  sidauk tama bá enkuadramentu.

Tribunál  deside ádia  julgamentu  ne’e loron 20   fulan-Juñu, tinan ne’e, hale’u tuku  10:00 0tl  hodi  rona tan sasin balun no arguidu balun.

Antes ne’e, iha loron  23   fulan-Maiu 2025, iha Tribunál Judisiál Primeira Instánsia Díli ajenda bá iha alegasaun, tan ne’e, iha sala julgamentu Ministériu Públiku ne’ebé reprezenta husi Prokuradór Matias Soares alega pena prizaun efetivu tinan-ualu (8) bá arguidu António da Conceição, inklui eis-Diretór Jerál Ministériu Komérsiu, Indústria no Ambiente (MCIA-sigla portgés), António da Costa, eis-Diretór Jerál Ministériu Komérsiu, Indústria no Ambiente (MCIA), António da Costa, Diretór Korporativu MCIA, Fernando Loboto no Diretór Finansa MCIA, Luís Inácio Henrique Fernandes tanbá deskunfia komete krime administrasaun danoza no partisipasaun ekonomia iha negósiu.

Arguidu na’in-sia (9) seluk ne’ebé nu’udár benefisiáriu bá osan subvensaun públiku, iha alegasaun Ministériu Públiku husu Tribunál atu aplika pena prizaun efetivu tinan-hitu, fulan neen tanbá arguidu sira-ne’e komete krime la hanesan.

Benefisiáriu sira-ne’e, Ministériu Públiku alega ho krime rua, hanesan administrasaun danoza no krime partisipasaun ekonomia iha negósiu, tanbá ne’e moldura penál ne’ebé imputa bá sira diferente.

Julgamentu ne’e preside husi Juiza  Jumiati Fretias, Minintériu públika reprezenta husi  Prokuradór  Matias Soares, agrguidu sira hetan asintensia husi Defensor Públiku no Advogadu privadu.

Jornalista: Marcelino Tomae