Kazu Matebian Zizelma, Defeza Sidauk Hetan Notifikasaun Husi Tribunál Rekursu

Hatutan.com, (13 Juñu 2025), Díli– Defensoria Públiku Eustáquio Guterres nu’udár  asistente ka defeza bá matebian  Zizelma Verdiál Gonçavles, sidauk hetan notifikasaun  husi Tribunál  Rekursu.

Defensoria Públiku Eustáquio Guterres. Foto/Marcelino Tomae

Asistente  Eustáquio Guterres hateten, iha loron 14 fulan -Abríl liubá  submete ona rekursu hodi kontesta desizaun Tribunál Judisiál Primeira Instánsia Díli ne’ebé aplika pena prizaun tinan-tolu suspende ba tinan haat ne’ebé aplika ba arguidu MSC.

“Kona-bá kazu vítima Zelma nian  ha’u hanesan  asistente  ka defeza submete tiha ona rekursu, agora ita hotu hein desizaun  Tribunál Rekursu, tanba to’o agora ha’u sidauk  hetan notifikasaun,” Defensór Públiku  Eustáquio Guterres  hateten ba Jornalista sira iha  resintu Tribunál  Judisiáriu Primeira Instánsia Díli, Sesta (13/06/2025). 

Nia husu  ba  jornalista sira  tenke bá husu iha Tribunál Rekursu  ne’ebá   ninia despaxu no desizaun iha ona ka lae, maibé dau-daun ne’e   hanesan asistente  ka defeza bá vítima  Zelma sidauk hetan  notifikasaun kona-bá  rekursu ne’e.

Eustáquio Guterres, submete prosesu rekursu iha loron 14 fulan-Abríl liubá  hodi kontesta desizaun Tribunál Judisiál Primeira Instánsia Díli tanba la simu desizaun Tribunál Primeira Instánsia nian aplika pena prizaun tinan-tolu suspende ba tinan-haat ne’ebé aplika ba arguidu MSC.

Depoizde ida-ne’e, kompeténsia Tribunál Judisiál Primeira Instánsia nian bainhira mak sira hasae rekursu ne’e ba Tribunál Rekursu.

Jornalista: Marcelino Tomae