Defeza & Seguransa
Hasai Membru PNTL Envolve Arte-Marsiál ho Arte-Rituál
Hatutan.com, (18 Juñu 2025), Díli- Ministru Interiór, Francisco da Costa Guterres, hateten bainhira relatóriu husi Komisaun Reguladora Arte-Marsiál (KRAM) hatudu, Membru Polísia Nasionál Timor-Leste (PNTL) balu envolve iha arte-marsiál no arte-rituál sei hasai husi nian knaar.
Lee Mós: Membru PNTL 505 Entrega Atributu GAM&GAR no Jura Serbí De’it RDTL
Ministru Interiór, Francisco Guterres. Foto/Dok
“Relatóriu husi Komisaun Reguradora Arte-Marsiál (KRAM) mai maka membru Polísia balu envolve iha arte-marsiál ho arte-rituál nia obsaun maka hasai husi PNTL,” Ministru Interiór Francisco da Costa Guterres bá Jornalista sira hafoin enkontru Konsellu Ministru iha Palásiu Governu, Kuarta (18/06/2025).
Ministru Interiór afirma membru PNTL ne’ebé envolve iha arte-marsiál ho arte-ritual la serve atu sai membru polísia.
Fó hanoin fali katak iha loron 10 fulan-Marsu 2025, membru Polísia Nasionál Timor-Leste (PNTL) hamutuk na’in-505, maka ofisiálmente entrega sira-nia atributu hanesan membru grupu arte-marsiál no arte-rituál hodi jura serbí de’it povu no Repúblika Demokratika Timor-Leste (RDTL).
Jornalista: Zita Menezes