Vidru Odamatan-Boot Edifisiu TJPID Rahun

Hatutan.com, (30 Juñu 2025), Díli–Vidru iha odamatan-boot (tama-sai)  Tribunál Judisiál Primeira Isntánsia Díli (TJPID), Segunda (30/06/2025),  hale’u  tuku 11:45   dadeer, monu rahun.

Lee Mós: Inaugura Edifísiu TJPID, Ramos-Horta Preokupa Manutensaun bá Edifísiu Públiku

Vidru odamatan-boot edifísiu TJPID rahun, Segunda (30/06/2025). Foto/Marcelino Tomae

Asidente ne’e akontese iha ámbitu semináriu  ho tema dezafiu no prespetiva Instalasaun Sumpremu Tribunál Justisa hafoin liu minutu balun de’it Prezidente Repúblika, José Ramos Horta hakat  sai husi  fatin akontesimentu.

Edifisiu foun TJPID ne’e  foin utiliza tinan ida resin, vidru  iha odamatan -boot monu  hodi lori  preokupasaun boot kona-bá seguransa bá funsionáriu sira parte interveniente sira hala’o knaar iha TJPID.   

Obra konstrusaun edifísiu TJPI ne’e konstrui  hosi empreza internasional Xina naran Shandon International Economic and Technical Cooperation Group R.P., no hetan supervizaun husi kompañia konsultora Dacrea iha asosiasaun ho AEC ho nia kustu orsamentu ba projetu ne’e millaun  US$ 10.9.

Prezidente Tribunál  Rekursu, Afonso Carmona, hateten  vidru ne’e monu la’ós problema boot. “Vidru odamatan-boot ne’e otomatis agora  sira dudu hanesan ne’e entaun vidrudu sira ne’e nakfera, buat ne’e tuir loloos ita la bele dudu tun-sa’e,” PTR Afonso Carmona esplika.

Vidru ne’e  monu rahun dala rua ona, tuir Carmona katak, utilizasaun maka sala, no nia konsidera ho vidru ne’ebé monu rahun la fó ameasa bá funsionáriu, no mós komunidade sira atu tuir julgamentu iha TJPID.

 Jornalista: Marcelino Tomae