Fujitivu Kalumban Mali, Ministru Interiór Francisco Guterres Fó Tempu Ministériu Justisa Halo Nia Servisu

Hatutan.com, (14  Jullu 2025), Díli—Ministru Interiór, Francisco da Costa Guterres, fó  tempu ba Ministériu Justisa halo nia servisu tuir transmite legal hodi hatee ba kazu fujituvu Kalumban Mali alias Leonardo Benigno Tilman.

Lee Mós: Governu Timor-Leste iha Opsaun Rua Bá Fujitivu Kalumban Mali

Fujitivu Kalumban Mali alias Leonardo Benigno Tilman. Foto/Repro. Stockist Dili.

Kalumban Mali alias Leonardo Benigno Tilman, fujitivu  husi Prokuradoria Timor Osidentál nian ka Nusa Tenggara Timur (NTT)-Indonézia, halai husi justisa hodi mai haksumik tinan barak ona  iha Timor-Leste no dezde tinan 2023 hetan ona nasionalidade Timorense ho dalan halo falsifikasaun dokumentu.

Ministru Interior Francisco Guterres hateten, Governu Timor-Leste seidauk iha atuasaun konkreta kona-ba kazu fujitivu Kalumban Mali, tanba  la iha relatóriu kompletu no seidauk simu komunikasaun ofisiál husi Embaixada Indonézia  iha Timor-Leste.

“Ha’u seidauk hatene didi’ak kona-ba kazu ida ne’e. Ami presiza haree dokumentu no relatóriu hotu lai, depois mak bele fó informasaun públiku. Se la iha pedidu ofisiál husi Estadu Indonézia, entaun Governu la bele atu direta. Maibé, se envolvimentu kriminál iha, tenke liu ba Tribunál,” Ministru Interior Francisco Guterres  hateten hodi hatán Hatutan.com hafoin remata enkontru ho Komisaun B Parlamentu Nasionál,  Segunda (14/07/2025).

Nia hatutan,  kazu fujitvu Kalumban Mali  ne’e presiza tuir prosedimentu legal, no Ministériu Justisa (MJ) mak iha kompeténsia atu hala’o análize legál  bainhira  Tribunal fó desizaun.

Ministru Francisco Guterres mós konfirma  Kalumban Mali tama iha Timor-Leste ho dokumentu legál ka lae?  inklui pasaporte no vistu legál ka lae, sei lagál,    ne’e  la iha violasaun Migratóriu, nune’e   servisu  Migrasaun la bele halo atuasaun direta.

Kona-ba kestaun deportasaun,  Ministru Francisco konfirma katak sedauk simu karta ida husi Embaixada Indonézia kona-ba pedidu atu haruka Kalumban Mali fila ba nia nasaun orijen Indonézia.

“Sei nia mai ho vístu normál, dokumentu legál. Ita la bele halo buat ida se la iha intervensaun hosi estadu Indonézia husu ofisiál. Entaun, ne’e la’ós prosesu Migrasaun, maibé prosesu legál ne’ebé tenke liu hosi Ministériu Justisa  no tribunál,”   Francisco Guterres esplika.

Kona-ba relasaun komunikasaun entre , Ministru Interior ho Ministru Justisa, tuir nia katak  kada instituisaun iha área responsabilidade rasik,  nune’e   nia  respeita kompeténsia   Justisa nian  iha prosesu legál.

“Kuandu tribunál deside ona atu haruka fila, depois nia viola regra, prosesu migrasaun sei hahú. Maibé se nia kumpre regra, nia tama ho vistu ne’ebé válidu, entaun prosesu ne’e sei liu hosi MJ no liafuan legál tan,” Francisco Guterres hateten.

Kalumban Mali, sai hanesan fujitivu ka DPO (Daftar Pencarian Orang) Prokuradoria NTT ho Prokuradoria Jerál Repúblika Indonézia nian dezde kedas tinan 2016.

Nia envolve iha  kazu fornesimentu adubu ka pupuk ho kuantidade tonelada  575 ho valor orsamentu millaun Rp. 976. Nia nu’udár Diretór CV Eka Cipta Persada ne’ebé hetan detensaun dezde loron 28 fulan-Fevereiru 2014. Molok ne’e, iha Jullu 2013, Kalumban Mali sai hanesan kandidatu membru lejislativu husi  Partidu Amat Nasonal (PAN) bá DPRD-NTT.

Ministru Justisa Sérgio da Costa Hornai, Kuarta (09/07/2025), konfirma katak pedidu hosi gabinete Prokuradór Jerál Repúblika tékniku  sira sei halo apresiasaun bá buat balun.

Momentu ida-ne’e,  fujitivu Kalbumban Mali  alias Leonardo Benigno Tilman iha fatin seluk ka mai direita Timor-Leste,  atu nune’e halo kooperasaun matéria penál  tuir  Timor nia  lei kooperasaun  internasionál   hodi  bele troka surat tahan bá malu   entre Indonézia  ho setór justisa Timor-Leste.

“Ha’u ko’alia tiha ona iha  loron  hirak liu-bá katak  kona-bá pedidu Ministériu Públiku hosi Gabinete Prokuradór Jerál Repúblika (PGR, sigla portugés) sei iha mudansa ruma, ami update  tékniku  sira sei halo apresiasaun bá buat balun,  momentu ne’e,  iha fatin seluk ka  ita halo kooperasaun matéria penál  tuir ita-nia lei kooperasaun  internasionál,  ita bele troka surat tahan bá malu   entre  Indonézia  ho setór justisa Timor-Leste nian,” Ministru Sérgio Hornai hateten.

Ministru Justisa Timor-Leste  ne’e hatutan, se fujitivu Kalumban Mali iha Indonézia  tamba  prosesu julga tiha ona iha ne’e, komu nia iha fatin ruma ka nia iha ne’e, ita sei halo  servisu hodi  haree  ida-ne’e, katak  atu haruka fila ka  nia nafatin iha ne’e  Ministériu Justisa sei halo servisu ida-ne’e.

Fó hanoin fila fali katak Diretór  Nasionál PCIC, Vicente Fernandes e Brito  hateten  Polísia Sientífiku Investigasaun Kriminal  (PCIC-sigla portugés) remete tiha ona bá Ministériu Públiku (MP) kona-bá prosesu investigasaun ba kazu fujitivu Kalumban Mali  dezde tinan 2023 liubá.

Jornalista: Marcelino Tomae