Polítika
Xanana: Di’ak Liu Tan Halakon Pensaun Vitalisia
Hatuan.com, (24 Jullu 2025), Díli– Primeiru-Ministru, Kay Rala Xanana Gusmão, konkorda halakon pensaun vitalisia, maibé konforme desizaun maioria iha Parlamentu Nasionál.
Primeiru-Ministru, Kay Rala Xanana Gusmão hasoru malu ho Prezidente Repúblika, José Ramos-Horta
“Halakon lei pensaun vitalisia laiha problema, di’ak liu tan. Ha’u ema ida, ha’u nia lian ne’e ema ida nian, ne’ebé konforme maiória, ha’u la kontra,” Primeiru-Ministru, Kay Rala Xanana Gusmão hateten hodi responde jornalista sira hafoin remata enkotru semanál ho Prezidente Republika iha Palásiu Prezidensiál, Tersa (24/07/2025). .
Molok ne’e, Xefe Bankada CNRT, Deputadu Duarte Nunes mós kompromete ona katak hafoin resesu CNRT sei ko’alia ho lidér Bankada PD, FRETILIN, KHUNTO no PLP hodi halakon pensaun vitalisia,
Lidér Bankada CNRT ne’e esplika tanba sira oposizaun ko’alia duun bá Bankada Gvernu mais sira mós aproveita hela, entaun prontu ne’e sira-nia direitu ko’alia, mas resesu tama mai sei rejista no ko’alia ho kolega Deputadu sira.
Halakon lei Pensaun vitalisia sei deside husi deputadu hotu-hotu nune’e labele dun malu bankada ida ne’ebé mak lakhohi.
Jornalista: Juvinal Cabral dos Santos