Kazu Asédiu Sexuál iha UNTL, MESSC Husu Hakle’an Investigasaun

Hatutan.com, (08 Outubru 2025), Díli–Ministru Ensinu Superiór Siénsia no Kultura  (MESSC-sigla portugés), José Honório da Costa Pereira Jerónimo, husu hakle’an  investigasaun  atu nune’e bele hatudu evidiénsia forte ba kazu asédiu sexual ne’ebé deskonfia pratika husi dosente ho inisiál MFB.

Lee Mós: FOKUPERS, JSMP ho RFTL Kondena Pratika Asédiu Sexuál iha UNTL

Ministru Ensinu Superiór Siénsia no Kultura (MESSK), José Honório. Foto/dok 

“Akontesimemtu  iha Universidade Nasionál Timor Lorosa’e (UNTL),  liu-liu iha fakuldade siénsia sosiál, ne’e gravee,  tanba  ne’e    ténke iha investigasaun kle’an atu  hetan prova katak  profesór sira envolve iha asédiu seksuál atu sira tenke bá hatan iha Tribunál,” Ministru José Honório  hateten ba jornalista sira iha Palásiu Governu, Kuarta (08/09/2025)

Antes ne’e, Ministériu Ensinu Superiór, Siénsia no Kultura (MESSC) koopera ho UN WOMEN, Korea Internasional Cooperation Agency (KOICA) ho parseiru sira seluk  halo lansamentu estratéjia  zero toleránsia asédiu sexuál iha ambiente  Ensinu Superiór sira iha Timor-Leste. Nune’e,  Segunda (13/10/2925),  Ministru José Honório da Costa Pereira Jerónimo sei halo   reuniaun ho reitór  UNTL ho estrutura,  ho dekanu sira hodi rona sira-nia hanoin.

Governante ne’e afirma, kazu asediu seksuál  ne’e  ne’e la’ós akontese iha fakuldade siénsia polítika, maibé iha mós fakuldade  medisina, no fakuldade  ekonómia tanba ne’e mak   MESSC  hakarak rona   prosesu investigasaun   husi  UNTL nian  to’o ona iha ne’ebé.

Nia  afirma, se estudante sira iha evidiénsia forte, ténke  enkamiña  bá  Ministériu Públiku, hodi halo investigasaun   bá  kazu  sira hanesan ne’e tanba instituisaun UNTL ne’e Universidade Públiku.

“Ha’u nia  apellu  maka ne’e,  estudante sira ne’ebé hetan abuzu seksuál, ka hahalok  aat  hosi manorin  na’in no profesór sira,  ténke fó hatene,  maibé ténke iha evidénsia ne’ebé forte atu ita la bele prátika  asédiu sexsuál iha kampus,” nia afirma.

Ministru José Honório, husu mós bá donsente sira  iha UNTL katak hanorin ne’e, hanorin oan sira,  ténke respeita labarik feto sira, la bele  hanoin aat, bá  estudante sira lui-liu feto sira.

Nia apela bá estudade universidade hothotu, inklui UNTL, atu  la bele  tauk ko’alia sai. Tanba  kazu ne’e dala tolu kedas,  estudante sira halo Pres komferensia.

Nia haktuir, UNTL iha nia autonomia kampus, sira iha  podér tomak atu halo desizaun, Reitor kuandu lori bá konsellu disiplinar katak  Kazu  ne’e gravee  la bele tollera ténke halo sansaun ruma  bá profesór ne’ebé komete krime ne’e.

Jornalista: Marcelino Tomae