Governu Timor-Leste VS Empreza Lighthouse, Xanana Sei Responde iha Tribunál Supremu Victória

Hatutan.com, (23 Outubru 2025),Díli— Primeriu Ministru, Kay Rala Xanana Gusmão  sei responde iha Trbiunál Supremu  Victória-Melbourne, Austrália,  kona-bá disputa ne’ebé akontese dezde  tinan 2010 liubá  entre Governu Timor-Leste ho empreza internasionál Lighthouse Corporation Pty Ltd.

Lee Mós: Lighthouse Ezije Governu Timor-Leste Selu Prejuízu Millaun US$600

Primeiru-Ministru (PM) Kay Rala Xanana Gusmão. Foto/Juvinal Cabral dos Santos

Primeiru-Ministru Kay Rala Xanana Gusmão hato’o asuntu ne’e hodi   responde  Hatutan.com kona-bá oinsá pozisaun Governu Timor-Leste nian binaihra Lighthouse manan  Estadu  Timor-Leste iha Tribunál Supremu Victória nune’e Timor-Leste iha obrigasuan selu prejuízu bá Lighthouse ho montantem millaun US$600.

“Kazu ne’e Governu prepara  hela,  ami bolu advogadu foun,  sira kaer hela ida-ne’e  posivélmente iha fulan-Outubru,  tinan mai  ne’e,  ha’u maka bá responde iha  Tribunál Supremu Victória -Melbourne Austrália  nian,” PM Xanana hateten hafoin enkontru semanaál ho Prezidente Repúblika, José Ramos-Horta iha Palasíu Prezidensiál Aitarak-laran Díli, Kinta (23/10/2025).

Xefe Governu Timor-Leste ne’e, alerta  katak, lalika ta’uk ho disputa  entre Governu Timor-Leste ho  empreza  Lighthouse, tanba Governu Austrália mós deklara ona katak ne’e fraude  lentu  iha Austrália nia laran.

“Lalika ta’uk, tanba  buatamak ida uluk kaer  Lighthouse ne’e, Governu Austrália rasik maka dehan  maior faude de lento iha Austrália laran  ne’ebé la lalika hakfodak,” Xanana afirma.

Nia  garantia  katak diputa  ne’ebé iha, empreza Lighthouse sé la manan, mézmu Xanana rasik labele esplika detalalu garantia saida mak Governu iha hodi manan Lighthouse iha Tribunál Supremu Victória.

“Sira la bele manán, ha’u mós seidauk bele esplika buat hotu,  maibé sira atu manan oinsá ha’u la bele esplika agora, ita fiar katak sira atu manan ita oinsá,” Xanana hateten. 

Empreza Lighthouse  lori Governu Timor-Leste ba Tribunál Supremu Victória-Austrália relasiona ho projetu fornesimentu  mina  no jeradór bá EDTL akontese dezde 2010 tanba Governu Timor-Leste altura ne’ebá Primeiru-Ministru Xanana Gusmão hapara derepenti kontratu ho Lighthouse,  nune’e Lighthouse ejije sira-nia direitu indemnizasaun ka enfrenta prejuízu entre millaun $329  to’o millaun $600.

Lee Mós: Opozisaun Preokupa, Karik Lighthouse Manan Governu Timor-Leste iha Tribunál Supremu Victória

Jornalista: Marcelino Tomae