Governu Aloká Rihun $91 Reabilita Igreja Uatulari Antigu

Hatutan.com, (31 Outubru 2025), Viqueque-IX Governu Konstitusionál aloka osan rihun $91 hodi apoiu reabilita Igreja Parókia Nossa Señora do Rosario de Fatíma Uatulari Antigu.

Komesa reabilita ona Igreja Parókia Nossa Señora do Rosario de Fatíma Uatulari Antigu. Foto/Zita Menese

Xefe Suku Afaloikai, Postu Administrativu Uatulari, Munisípiu Viqueque,  Cesario Nascimento Pires, hateten igreja nia infraestrutura baziku la book, maibé reabilita de’it hodi kumpre arkelojia istória UNESCO  sai hanesan ikone no konservasaun  sarani Uatulari sira nian tanba hamrik liu ona tinan-50.

“Orsamentu ne’e husi Governu liuosi  Gabinete Apoiu Sosiedade Sivíl aloka mai Diozese Baucau hodi aloka fali bai ha Parókia Uatulari Antigu,” Xefe Suku Afaloikai  Cesario Nasimento Pires bá Hatutan.com iha Uatulari Antiga, Sesta (31/10/2025).

Autoridade lokál ne’e afirma antes halo reabilitasaun bá igreja ne’e, halo uluk ona konfirmasaun ho Bisbu Dioseze Baucau, Dom Leandro Maria Alves, sarani Uatulari,   Ajénsia Dezemvolvimentu Nasionál  (ADN) no Ministériu Obras Públiku (MOP) haree ona kondisaun igreja tuan no bele autoriza  halo reabilitasaun de’it tanba konstrusaun tuan ne’e kondisaun di’ak metin hela.

Nia afirma konstrusaun kompañia lokál Edi Solison Lda. (Kristu) mak daudaun ne’e kaer, projetu reabilitasaun  Igreja Parókia Nossa Señora do Rosário de Fatíma nia prosesu rrabilitasaun  hahú ona iha fulan-Outubru no sei remata tinan oin.

Autoridade lokál ne’e afirma antes ne’e  ne komunidade sira iha inisiativa  tau osan hamutuk nune’e osan sira husu populasaun ne’e purvolta $4,000.00-liul nune’e harii bá uma provizoriu hodi komunidade sira  selebra misa eukaristia iha loron domingu no finadu.

Iha fatin hanesan reprezentante sarani Uatulari, Filomena Rosario husu atu aselera prosesu reabilitasaun bá Igreja Parókia Nossa Señora do Rosário de Fatíma Uatulari nune’e sira bele utiliza bá domingu.

Jornalista : Zita Menezes