Dirijente SNI Na’in-rua ho Karreta Estadu Transporta Sasán Kontra Bandu

Hatutan.com, (09 Novembru 2025), Liquiça– Dirijente Servisu Nasionál Intelijénsia (SNI) na’in-rua; feto ida no mane ida, uza karreta Estadu tula sasán kontra bandu (fogetes) tama husi Postu Fronteira Motaain, Sábadu kalan (08/11/2025).

Kerreta Estadu ho númeru matrikul 05. 424 G ne’ebé dirijente SNI nian na’in-rua lori transporta sasán kontra bandu estasiona hela iha Eskuadra Polísia Munisípiu Liquiça hodi submete ba identifikasaun polísia. Foto/Hatutan.com

Dirijente SNI nian na’in-rua ho inisiál AM ho OMS ne’e deskonfia tama hosi Rejiaun Administrativu Oé-Cusse  Ambeno (RAEOA) no liuhosi Atambua-Indonézia hodi sosa fogetes hamutuk dós 36 tula iha karreta Estadu ho numéru matrikula  05.424 G.

Kargu xefia SNI na’in-rua ne’e hatan aprresaun husi ekipa konjunta  Polísia Nasionál Timor-Leste ho FALINTIL-Forsa Defeza Timor-Leste (F-FDTL) liuhosi pasa revita ida iha Postu Administrativu Liquiça Vila. Munisípiu Liquiça, hale’u tuku 23:00 Otl.

Komandante  Polísia Nasionál   Timor-Leste Munisípiu Liquiça, Superintendente  Polísia  Calisto Gonzaga,  ne’ebé Hatutan.com kofirma  Domingu (09/11/2025), hateten ekipa konjunta  halo detensaun ba suspeitu  ho inisál AM no OMS  ne’ebé kondus  karreta Estadu  ho Númeru Matrikula 05.424 G tula sasán kontra bandu (fogestes).

“Loos duni, ita asegura hela  karreta  Estadu ida  transporta  fugetes, ne’ebé konsidera sasan kontratu bandu. Ami deskreve ona, depois kolega sira hosi Ministétriu Públiku ho Tribunál maka sei haree,”   Superintendente  Polísia  Calisto Gonzaga hateten.

Calisto Gonzaga informa,sSuspeitu AM ho OMS lori sasan kontra bandu la la rejista iha lista importasaun nian.

Nia hatutan, karreta ho prova sira hanesan sasan kontra bandu (fogetes) ho karreta  Estudu, inklui suspeitu na’in-rua; AM ho OMS, iha hela prosesu identifikasaun polísia Munisípiu Liquiça atu kontinua prosesu ne’e Ministériu Públiku (MP).

Calisto Gonzaga informa Segunda (10/11/2035), Polísia sei submete  kazu ne’e bá Ministétriu Públiku tanba Domingu ita la konsege  rejista ita hahú rejista bá Ministétriu Públiku ho prova ho karreta ida, ho sasán sira ne’e,” informa nia.

Sasán kontra bandu (fogetes) ne’ebé PNTL ho F-FDTL sira prende husi dirijente SNI na’in-rua iha Liquiça. Foto/Espesiál

Nia afirma, fogetes ne’e  la lembra númeru fixu maibé iha item  shoot 8 ho shoot  10,  no item lubuk ida maka  ekipa  konjunta detein  hodi halo identifikasaun.

Fogetes item hirak ne’e  uza partikularmente maibé uza karreta estadu, la liuhosi regra importasaun nian, no suspeitu sira la hatudu dokumentu legál ruma  hodi bele    hetan konsiderasaun

Nia informa sasán sira ne’e dadaun ne’e PNTL Munisípiu Liquiça  asegura hela ho nia istória sekuensia hosi kontra bandu, nune’e Ministétriu Públiku ho Tribunál maka bele  fó média bá  suspeitu.

“Suspeitu na’in-rua  ne’e Polísia husik livre tanba konsidera asume kargu iha institusaun Estadu, maibé sei la’o tuir prosesu normál, sei aprezenta bá Ministétriu Públiku hodi fó notifikasaun, atu bá presta deklarasaun inkeritu bá iha Ministétriu Públiku hodi justifika sasán sira ne’e, tanbasá maka lori tama no uza karreta estadu,” nai dehan.

Provizoriumente iha prosesu indentifikasuan, suspeitu na’in rua ne’e la hatudu dokumentu legál sira   ka Prova ruma ne’ebé iha ligasaun ho material  fogetes sira ne’e.

Jornalista: Ekipa Hatutan.com