Ministru Sérgio Hornai Orienta Diretór PCIC Halo Averiguasaun Ba Kazu Membru PCIC Lori Pistola Baku Nia Ferik-Oan

Hatutan.com, (07 Janeiru 2026), Díli—Ministru Jusitisa, Sérgio da Costa Hornai,  fó ona instrusaun bá  iha Diretór Jerál  no mós Diretór Nasionál Polísia Sientifiku Investigasaun Kriminál (PCIC, sigla portugés) hodi halo averiguasaun ba kazu membru PCIC ho inisiál OdCA ne’ebé deskonfia halo violénsia domestika  hasoru nia ferik-oan nune’e bele foti medida disiplinár.

Lee Mós: Membru PCIC ho Inisiál OdCA Hetan Suspensaun Tinan Ida no Lakon Regalia Sira

Ministru Justisa, Sérgio de Jesus Fernandes da Costa Hornai. Foto/Dok

“Arma Estadu nian ne’e  ita uza bá iha  servisu  no  banhira  ita iha situasaun perigu atu  sai salvasaun, la’ós uza arma hodi fó ameasa bá ema ruma,”  Ministru Sérgio de Jesus Fernandes da Cosrta Hornai hateten hodi responde Hatutan.com iha Palásiu Governu, Kuarta (07/01/2026).

Ministru Sérgio de Jesus Fernandes da Costa Hornai hateten, prosesu ne’e  tenke sansaun disiplinár no averiguasaun  tenke la’o   tuir tempu, tanba ne’e parte Ministru Justisa la bele   deklara katak loron ida ka rua  fó kedas ponisaun, ida ne’e  sai bele kontrariu  fali  ho proseu inkéritu ne’e rasik.

Kona-bá membru PCIC ho inisiál OdCA deskonfia envolve beibeik iha kazu sira, maibé la iha medida ruma husi superior másimu PCIC nian, Ministru Sérgio da Costa Hornai, hateten se membru PCIC ne’e  komete bebeik aktu krime sira, maka Diretór Jerál PCIC tenke foti medida atu fó supensaun ka  deminsaun bá membru refere. 

Informasaun ne’ebé Hatutan.com asesu katak  iha loron 02 fulan-Janeiru 2026, membru PCIC ho inisiál OdCA halo violénsia no uza armas pistola amesa  nia-kaben  ho inisiál DX hanesan mos membru PCIC.

Kazu refere vitíma  nu’udár OdCA nia ferik-oan halo keixa no rezista ona iha Ministériu Publiku ho Nuk:001/26.PCIC.

Membru PCIC OdCA ho kondisaun lanu halo violénsia domestika no amesa ho pistola hasoru nia kaben DX  no oan na’in-rua la ho razaun klaru, depois vítima kontaktu bá Komisáriu PCIC hodi informa no ekipa prevensaun bá foti vítima hodi halo prosesu hasoru membru refere.

Membu PCIC ho inisiál OdCA ne’e iha hela prosesu kriminál antesende no disiplinar husi PCIC no Tribunál, maibé kontinua halo krime doméstika hasoru nia kaben.

Fó hanoin fali katak membru PCIC ho inisiál OdCA envolve ona iha kazu husu osan bá oan-mane  fujitivu Arnolvo Teves Jr.

Tuir relatóriu PCIC nian ne’ebé finaliza iha loron 08 fulan-Abríl tinan 2024, katak pesoál PCIC ho inisiál OdCA husu duni osan bá oan-mane fujitivu Arnolvo Teves Jr.

Iha relatóriu PCIC nian ne’e mós mensiona konversasaun ne’e iha mós gravasaun voice entre pesoál PCIC ho inisiál OdCA ho oan-mane Arnolfo Teves Jr no husu osan garantia seguransa ba fujitivu Arnolfo Teves Jr ho montante posivel US$2000.00.

Hatutan.com tenta halo konfrimasaun Diretór Nasionál  PCIC, Vicente Fernandes e Brito, maibé ofisiál  balu ne’ebé servisu iha PCIC informa katak Diretór  Vicente Fernandes e Brito okupadu hela no difisil atu  halo ho entrevista.

 Jornalista:Marcelino Tomae