Funu Médiu Oriente Fó Impaktu ba Ekonómia no Folin Kombustivél

Hatutan.com, (15 Marsu  2026), Díli-Prezidente Repúblika (PR), José Ramos-Horta hateten funu ne’ebé akontese iha médiu oriente entre Israel-Estadu Unidu Ameriká no Iraun fó impaktu ba ekonomia hotu liuliu  folin kombustivél iha  merkadu mundiál.

Prezidente Repúblika, José Ramos-Horta. Foto/Marcelino Tomae

“Funu ida-ne’e daudaun fó  impaktu boot ba  ita iha sudeste asiatiku hanesan nasaun Abu-dabi nasaun Arabé  sira ne’ebé prodús  ho mina boot tanba nasaun Iraun mós atake hotu sira tanba ne’e fó impaktu boot,” Ramos-Horta haktuir ba Jornalista sira iha Aeroportu Prezidente Nikolau Lobato hafoin fila husi nasaun Portugal, Domingo (15/03/2026).

Xefe Estadu afirma funu iha médiu oriente ba Timor-Leste impaktu hanesan mós akontese ho  krizé Covid-19 iha tinan hirak liubá ne’ebé provoka  ró ahi  rihun ba rihun paradu entaun kontentór sira mai Timor-Leste halo  sasan folin sa’e hotu ba buat hotu.

åRamos-Horta tenik, saida mak Governu atu halo ne’e Governu tenke haree liuhosi reuniaun konsellu ministru para deside saida mak halo para bele proteje Timor-Leste  nian ekonómia ne’ebé labele fó impaktu boot liután ba Timor-Leste nian  ekonómia iha futuru.

“Ita depende liuliu ba mina ne’ebé ita sosa husi Malázia, Singapura Indonézia no Austrália podeser  impaktu boot intermu mina ne’ebé disponivél, tanba rai ita nian ladún boot kompara hanesan rai-boot sira ne’ebé loro-loron sosa mina sé iha solusaun lahatene loos fó tempu ba ema barak book aan tanba ne’e ha’u la fó komentáriu barak,” tenik Xefe Estadu.

Jornalista : Zita Menezes