PNTL Detein Suspitu Na’in-Lima Ba Kazu Droga

Hatutan.com, (28 Abríl 2026), Díli-Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIK) hamutuk ho servisu sekreta sira detein sidadaun estranjeiru na’in-lima ne’ebé suspeita ba kazu ilisítu droga ho tipu sabu-sabu.

Austoridade sira akompaña suspeitu na’in-ida husi sira na’in-lima ba kazu ilísitu droga. Foto/Juvinal Cabral dos Santos

Sidadaun estranjeiru na’in-lima kompostu husi Indonéziu na’in-haat no Xinés na’in-rua ne’e, parte autpridade Timor-Leste deteun iha Segunda (27/04/2026), iha fatin rua; ida iha Comoro no ida seluk iha Akadiruhun, Díli, ho oras la hanesan.

Durante halo  operasaun ekipa konjunta  konsege asegura suspeitu na’in-lima   iha ne’ebé deskonfia komete atividade ilisítu droga no lori kedas suspeitu sira ho evidénsia ba iha edifisiu Kuartel Jerál PNTL hodi halo detensaun no identifikasaun hodu submete ba iha Ministériu Públiku (MP).

Autoridade sira rejistu ona kazu ne’e ho Númeru uniku krimi rua tanba iha diferensia lokál krime, ida mak NUK: 0153/26-PNSIC  kazu ilisítu droga iha área Comoro, no ida seluk rejistu ho NUK:0155/26-PNSIC kazu ilisítu droga iha área Akadiruhun.

Informasaun autoridade seguransa  katak to’o Tersa (28/04/2026) kontinua buka tuir autór prinsipal balun ne’ebé mós inklui iha kazu ilisítu droga.

Jornalista: Juvinal Cabral dos Santos