Tema 20 Maiu 2026, “Juntos Construímos Uma Pátria Cada Vez Mais Justa, Inclusiva e Resiliente”

Hatutan.com, (05 Maiu 2026) Dili-Ministru Administrasaun Estatál (MAE) Tomas do Rosário Cabral, Tersa (05/05/2026), halo enkontru ho  Prezidente Repúblika José Ramos-Horta, hodi  atualiza preprasaun ba komemorasaun loron restaurasaun independénsia,  20 Maiu  ba tinan, ho tema “Juntos Construímos Uma Pátria Cada Vez Mais Justa, Inclusiva e Resiliente”.

Ministru Administrasaun Estatál (MAE) Tomas do Rosário Cabral.

Komemorasaun loron restaurasaun independénsia ba dala-24 sei hala’o iha Tasi-tolu, ho  atividade sira ne’e sei hahú iha loron 17 Maiu 2026, konsentra iha Tasi-tolu.

“Iha konfirmsaun bainaka balun sei mai husi Indonézia, Austrália no husi Portugál mós, maibé ita hein sira nia komfirmsaun bainhira, husi Austrália mak sira konfirmadu no husi Indonézia nian eis Ministru Negósiu Estranjeiru na’in-rua ne’e mós mai no  husi Portugál mak seidauk iha konfirmsaun,” MInistru Tomas Cabral hateten.

Governante ne’e hatutan,  nasaun seluk seidauk hatene, normalmente to’o tempu badak mak balun bele husu pedidu ba rejistu ba vizita.

“Bainaka sira ne’e balun eis membru governu, balun ita hatene katak ita iha hela esplorasaun Petroleu ba Austrália, balun kompañia sira mai hotu akompaña ita nia komemorasaun no sira mós hakarak oinsá atu haree investimentu sira ne’e,” Tomas do Rosario Cabral tenik.

Jornalista: Juvinal Cabral dos Santos