Tribunál Mantein Medida Koasaun AP Bá Arguidu Na’in 10 Envolve Iha Kazu Jogu Online

Hatutan.com, (05 Maiu 2026), Díli – Tribunál Judisiál Primeira Instánsia Díli (TJPID),  Segunda 04/05/2026) hatun despaisu mantein aplika médida koasaun Aprezentasaun Periódika (AP) bá arguidu na’in 10 ne’ebé envolve iha Kazu Jogu Online ilegál ne’ebé alegadamente opera iha área Zita Plaza no Colmera,  no tenta atu halai sai husi Territóriu Timor-Leste.

Lee Mós: Arguidu sira Ba Kazu Jogu Online Na’in-11 Tenta Halai Husi Teritóriu Timor-Leste

Arguidu sira ba kazu jogu online no tenta halai husi teritóriu Timor-Leste. Foto/Marcelino Tomae

Durante Julgamentu Primeiru Interogátoriu  Ministériu Públiku ne’ebé  Reprezenta Prokuradór Matias Soares solita bá tribunál  atu halo  alterasaun husi  médida  koasaun aprezentasaun Periódidika bá média koasaun Prizaun Preventiva bá arguidu na’in 10 tanba dezovidensia bá desizaun tribunál ne’ebé iha   loron 13 Outubru tinan 2025,  aplika medida koasaun Aprezentasaun Periódika, ne’ebé obriga arguidu sira atu aprezenta an semana ida dala rua ,regularmente iha autoridade durante prosesu judisiál. Maibé, arguidu sira la kumpri medida refere no iha indísiu forte katak sira tenta atu halai sai husi territóriu Timor-Leste.

Arguidu  na’in 10 ne’ebé tenta halai sai  husi  Territóriu Timor-Leste, lori mós sasán  ka Objetu balun hanensan Telemovel hamutuk-20,  Laptop -3 (tolu), Pasaporte-1(ida), no Speaker-1(ida).

Tanba ne’e  Ministériu Públiku haree katak prinsípiu hothotu, iha Lei Prosesu Penál, bainhira arguidu la obedese medida koasaun ne’ebé aplika ona, no  iha perturbasaun bá investigasaun, ka kontinua prátika atividade kriminál, tribunál bele revoga medida koasaun ne’ebé kmaan liu no substitui ho medida ne’ebé rigorozu liu, inklui Prizaun Preventiva, ne’ebé konsidera nu’udar medida ikus liu iha prosesu penál Timor-Leste nian.

Ministériu Públiku akuza arguidu  na’in 10  bá  krime dezobediénsia ne’ebé previstu artigu  244  kódigu penál Timor-Leste. 

Advogadu Privadu Júlio Cardoso  husu tribunál atu kontinua aplika aprezentasaun Periódidika bá arguidu na’in 10,  tanba la prienese  kritéria  bá Prizaun Preventiva, tanba  ne’e média koasaun Prizaun Preventiva maka fó  espasu bá Ministériu Públiku ho Autoridade seguransa kontinua investigasaun kle’an.

Rona tiha parte hotu,  tribunál  liu-husi Juis turnu ne’ebé Prezide husi  Juiz estajiariu, Angelito Mendez  hatun despaisu hodi halo de’it alterasaun Aprezentasaun Periódidika  Semana ida  dala rua ,  altera bá semana ida dala tolu, tanba  la prienese  molduga  penál prizaun tinan tolu, , iha artigu 224 kona-bá dezovidensia, tanba ne’e arguidu sira la bele bá Prizaun Preventiva.

Alterasau  bá despaisu  aprezentasaun Periódidika  mós arguidu sira sei la bá ona Ministériu Públiku, maibé  aprezenta aan direita  tribunál Judisiál Primeira Instánsia Díli.

Medida koasaun  antes ne’e  hanensan; Primeiru, prebuisaun  aujénsia,  segundu selu $10,000.00, ne’ebé kada arguidu $1,000.00 ba arguidu na’in-10 hamutuk $10,000.00 hanesan garantia ida la bele sai husi teritóriu Timor-Leste, terseiru  aprezentasaun  periódika  semana ida dala rua iha estasaun polísia ne’ebé besik.

Hafoin remata julgamentu Primeiru Interogátoriu Advogadu Privadu Júlio Cardoso bá  Jornalista afirma konsidera desizaun tribunál  ne’ebé aplika nia kliente ne’e justu tanba arguidu sira teta halai sai husi de’it husi Territóriu Timor-Leste.

Tanba ne’e nia esplika, nia kliente na’in 10 ne’e halai sia Vióla de’it artigu 224 kódigu penál kona-bá dezovidensia,  tanba molduga penál  tinan tolu de’it, tama ne’e arguidu  sira  tenke husik iha li’ur hodi halo termu de Rezidensia (TIR),  no Kumpri de’it aprezentasaun Periódidika  semana ida dala tolu.

“Ema ne’ebé kuandu tama prizaun ne’e molduga penál ne’e tenke tinan lima bá leten, maibé kuandu tinan tolu bá kraik ne’e ema la bele tama prizaun, tanba Juiz tetu buat hothotu tanba ne’e maka aplika de’it médida koasaun bá aprezentasaun Periódidika”, nia dehan.

Maske nune’e  Advogadu Privadu Júlio Cardoso afirma katak, sei bá oin, maka arguidu sira  tenta atu halai  sai tan husi Territóriu Timor-Leste,  prosesu tuir mai tenke bá Prizaun Preventiva.

Julgamentu Primeiru Interogátoriu ne’e Prezide husi Juiz estajiariu, Angelito Mendez Ribeiro, Ministériu Públiku reprezenta husi Prokuradór Matias Soares, Arguidu na’in 10 hetan asistensia legál husi Advogadu Privadu Júlio Cardoso.

Jornalista: Marcelino Tomae