MI Orienta PNTL Buka Tuir Estranjeiru Overstay Envolve Scam Call Centre

Hatutan.com (01 Jullu 2026) Díli-Ministru Interiór (MI) Francisco da Costa Guterres, orienta nafatin ba Kom,andu Jerál Polísia Nasionál Timor-Leste (PNTL) atu kontinua buka tuir sidadaun estranjeiru sira ne’ebé overstay no la renova sira-nia vistu atu prevene sira-nia involvement iha atividade ilísitu sira, hanesan jogu online no scam call centre.

Polísia asegura sidaduan estranjeiru sira ho nasionalidade Indonézia ne’ebé deskonfia envolve iha atividade ilísitu scam call centre iha Tibar. Foto/Juvinal Cabral dos Santos

Polísia Nasionál Timor-Leste, foin lalais ne’e, desmantela  fatin  ida iha Tibar, Postu Administrativu Bazartete, Munisípiu Liquiça, hodi detein mós sidadaun estranjeiru ho nasionalidade Indonézia na’in-61 ne’ebé deskonfia  halo atividade ilísitu scam call centre.

“Ita nia sistema Servisu Migrasaun ne’e hatudu hela katak balun mai overstay mais la aprezenta nia an para atu mai renovasaun vistu, ne’e mak ita nia autoridade sira buka tuir nafatin,” Ministru Interiór (MI) Francisco da Costa Guterres,  informa ba joranlista sira hafoin reaniaun Konsellu Ministru iha Palásiu Governu, Kuarta (01/07/2026).

MI haktuir autoridade seguransa detekta katak ema ne’e mai tiha ona loloos ne’e fulan ida tenke mai ona  aprezenta, se nia sai, ba iha ne’ebé, ho ida ne’e mak buka tuir no hetan sira halo atividade kazu scam call centre iha Aldeia Turleu, Suku Tibar, Postu-Administrativu Bazartete, Munisípiu Liquiça.

Operasaun hamutuk entre Servisu Migrasaun no PNTL kontinua hodi asegura katak ema hotu tuir lei no prevene atividade ilegál hanesan scam call centre iha rai laran.

Joranlista: Juvinal Cabral dos Santos