Tribunál Aplika Prizaun Preventiva ba Jerente Scam Call Centre no Aprezentasaun Periódika Bá Arguidu Na’in-60

Hatutan.com, (01 Jullu 2026),  Díli– Tribunál Judisiál Primeira Instánsia Díli (TJPID,)  liu husi despaixu Juiza prosesu Ercilia de Jesus, aplika prizaun preventive ba jerente jogu  ilísitu no scam call centre no ba arguido na’in-60 seluk aplika medida aprezentasaun periódika ho kausaun US$2,500 kada ema.

Autoridade sira aprezenta argiuidu na’in-61 ne’ebé envolve atividade jogu ilísitu ba TJPID. Foto/Marcelino Tomae

Iha kontinuasaun audénsia julgamentu primeiru Interogátoriu bá  kazu jogu online no scam call centre iha RJPID, Kuarta (01/06/2026),  Prokuradór Matias Soares  ne’ebé reprezenta Ministériu Públiku solisita  bá Tribunál atu aplika medida koasaun ho montante US$10,000  no Prizaun Preventiva bá jerente jogu ilísitu no arguidu   na’in-60 aplika aprezentasaun periódika.

Ministeriu Públiku husu atu aplika medida koasaun aprezentasaun periódika kada arguidu multa to’o US$2,000 kada ema,   atu aprezenta an ba autoridade kompetente kada semana.

Ministeriu Públiku akuza arguidu sira ho  krime  lima henesan  Brankeamentu Kapitál, Asosiasaun Kriminozu, Jogu Ilísitu,  Fraude Fiskál, no  violasaun vistu bá viza.

Advogadu Privadu  Otavio Cardoso, ho Benigno Guterres Gusmão ne’ebé fó asistensia bá  arguidu na’in-61 ba atividade jogu ilísitu nu’udar sidadaun Indonéziu  husu tribunál aplika aprezentasaun periódidika atu fó espasu ba Ministériu Públiku halo investigasuan profunda liután.

Julgamentu bá primeiru Interogátoriu ba kazu jogu ilísitu ne’e Prezide husi Juíza Ercilia de Jesus, Ministériu Públiku reprezenta husi Prokuradór Matias Soares, no arguidu na’in 61 hetan asistensia legál husi Advogadu Privadu Otavio Cardoso no Benigno Guterres Gusmão.

Jornalista: Marcelino Tomae