Tribunál Aplika Médida Haat ba Arguidu 29 iha Kazu Scam Call Centre Manleuana

Hatutan.com, (12 Jullu 2026), Díli – Tribunál Judisiál Primeira Instánsia Díli (TJPID) aplika médida  haat bá arguidu na’in-29 ne’ebé envolve kazu jogu online scamming ilegál iha rezidénsia ida iha Manleuana.

Polísia halo identifikasaun ba arguidu sira kazu scam call cente Manleuana. Foto/Juvinal Cabral dos Santos

Julgamentu interogatóriu  durante loron rua,  Sabádu -Domingu  (11-12/07/2026), iha TJPID  Ministériu Públiku, peprezenta husi Prokuradór Domingos Goveia, promove  krime haat  bá arguidu na’in-29  kompostu husi prátika krime asosiasaun kriminozu, brankeamentu kapitáis, burla informátika no  jogu ilísitu.

Iha alegasaun Ministériu Públiku, solita bá Tribunál atu aplika médida kausaun ho montante US$5000 bá arguido, nune’e mós aplika medida koasaun aprezentasaun periódidika, Termu identidade rezidensia no prebuisaun aujénsia.

Iha Kuarta, 08 Jullu 2026, hale’u tuku 11:00 Otl,  servisu Migrasaun no autoridade seguransa polísia sira tama  rezidensia ida iha Manleuana, hodi asegura sidadaun estranjeiru na’in-29 (feto na’in-tolu no mane na’in-26) ne’ebé hala’o hela atividade jogu online illegal.

Advogadu privadu  sira ne’ebé fó asistensia  legál bá arguidu na’in-29 hanesan Arlindo   Sances, ho advogadu  privadu sira seluk  husu  tribunál katak montante ne’e aas liu nune’e husu  atu konsidera hatún bá entre US$2500 to’o US$3000.

Rona alegasaun husi Ministériu  Públiku no pedidu husi defeza sira, Tribunál hatún  despaisu hodi aplika mak Termu Identidade no Rezidénsia (TIR), Aprezentasaun Periódika, Proibisaun Ausénsia, no médida Kausaun US$2500 bá  arguidu na’in-29. Enkuantu  arguidu ida  ho inisiál CCC, Tribunál  aplika médida kausaun ho osan montante US$2500,  ho médida koasaun  TIR, maibé livre husi média aprezentasaun Periódidika, tanba  nia la envolve iha atividade ne’e.

Médidia kausaun bá orsamentu US$2500, tribunál  fó prazu ba arguidu sira to’o loron 20 Jullu 2026, se la kumpri tribunál sei revoga fila médida sira ne’e hotu.

Jornalista: Marcelino Tomae