PM Xanana La Konkorda Lei Kriminaliza Defamasaun

Hatutan.com, (16 Jullu 2026), Díli–  Primeiru Ministru (PM), Kay Rala Xanana Gusmão, la konkorda ho lei kriminaliza defamasaun ne’ebé dadaun ne’e Parlamentu Nasionál liu-husi Bankada CNRT, PD ho KHUNTO propoin no  submete ba gabinete  meza Parlamentu Nasionál hodi debate bá faze  jeneralidade.

PM Xanana Gusmão. Foto/Marcelino Tomae

“Ha’u ladún konkorda kona-bá lei dimafasaun,  para mosu ho imi  média sosiál  sira ne’e, hanesan sai problema boot  liu agora, agora temi ne’e, temi ne’ebá la liga,” Primeiru Ministru Kay Rala Xanana Gusmão hatete bá Jormalista sira hafoin enkontru ho Prezidente Repúblika José Ramos-Horta iha Palásiu Prezidensiál, Kinta (16/07/2026).

PM Xanana hateten  provoka malu fali iha média sosiál falsu sira ne’e, inves Tribunál haree  kazu sira ne’ebé rihun-rihun,  seidauk rezolve tan, haree fali buat ida tolok malu ne’e atu halo saída.

PM Xanana dehan, difamasuan ne’e, iha média sosiál, no mós Deputadu sira iha Parlamentu Nasionál mak halo dimafasaun,

“Ha’u la konkorda tanba difamasaun ne’e, tanba  ita insulta hanusa, difama to’o iha ne’ebé,  ita iha  ne’e rona iha Parlamentu insulta malu,  entaun iha sosiedade nia laran imi difama malu mak atu bá tau  iha tribunál ka, ida halo husi Bankada CNRT, imi bá husu Bankada CNRT, husu fali bá ha’u atu halo saída, ha’u ne’e Governu,” Xanana hateten.

Jornalista: Marcelino Tomae