Novembru, Horta Foin Bele Deklara Nia Kandidatura Ba PR 2027-2032

Hatutan.com, (07 Setembru 2026) Díli-Prezidente Repúblika, José Ramos-Horta, foin bele dekara nia rekandidatura ka lae ba Prezidente Repúblika períodu 2027-2032 iha fulan-Novembru mai ne’e.

Prezidente Repúblika, José Ramos-Horta. Foto/Dok

“Ha’u la hatete atu deklara an, ha’u sei halo desizaun atu anúnsia kandidatu ka la’e  iha fulan-Novembru karik,”  José Ramos-Horta hateten ba jornalista sira iha Portu Díli, Segunda (7/09/2026).

Ramos-horta konfirma katak  kona-bá kalendáriu eleisaun ne’e tenke tarde liu segunda semana iha fulan-Marsu 2027.

Laureadu Nobel ba Paz 1996 ne’e hahú nia mandatu hanesan Prezidente Repúblika  ba dala-rua ona; dala uluk iha perídu 2022-2027 no ba dala-ida ne’e hanesan mós Prezidente Repúblika períodu 2022-2027.

Daudaun ne’e Timoroan na’in-haat mak deklara ona sira-nia kandidatura, mak hanesan, Armanda dos Santos Berta husi partidu KHUNTO no eis-vise-primeiru-ministru, Joaquim Fonseca “Russo”, eis-SekretáriuJjerál RENETIL , eis-Primeiru-Ministru no eis-Ministru Saúde,  Rui Maria de Araújo ho eis-xefe negósiu iha embaixada Timor-Leste nian ba  Índia,  Francisco Dionísio Fernandes “Maukura”.  (*)