Polísia Tailándia kaptura Monge seniór tanba eskándalu seksuál no Pekulatu

Hatutan.com, (12 Setembru 2026) Díli – Polísia Tailándia kaptura ona monge (biksu) seniór ida ho nia asistente feto tanba alegadu komete eskándalu seksuál no pekulatu ka dezvia osan ho montante  millaun 100 baht (milliun tolu-resin).

Filmajen CCTV hosi kuartu Monge ka Biksu seniór nian, ne’ebé alegadamente hatudu hahalok la apropriadu ho feto ida. Foto/Repro.Threads

Monge ka biksu (iha lian Indonèzia) baibain uza liubá ema sira ne’ebé moris haksumik aan  iha konventu budista  sira-nian ka mesteiru laran hodi harohan ka reje de’it tuir fiar relijiaun Buddha ka Budizmu nian.

Monge (bisksu) ida ho idade tinan 66 ne’e,  hetan kapturasaun iha Sidade Ayutthaya-Tailándia, Kinta-feira (10/09/2026), hafoin polísia simu relatóriu ida kona-bá  dezvia fundu  ka halo pekulatu ba osan sira templu nian.

CNN revela katak Tenente-Jenerál Natthasak deklara katak Phra Vajirayan alegadamente halo skándalu esksuál no pekulatu  ba fundu templu nian no entrega ba feto ida hodi disfarsa nia-an hanesan ema seluk. Investigasaun segredu ida deskobre evidénsia sira no lori ba kapturasaun.

 Kronolojia husi Kapturasaun

Kazu ida-ne’e hetan atensaun públiku hafoin ofisiál sira hosi Divizaun Supresaun Krime (CSD), ho lideransa hosi Gabinete Investigasaun Sentrál (CIB) hosi Polísia Nasionál Tailándia nian, halo kapturasaun iha Kinta-feira, 10 Setembru 2026, maizumenus tuku 6:00 dadeer oras lokál.

Suspeitu prinsipál maka Atichot Thanprasert (tinan 66), uluk koñesidu hanesan monge  (bisku) seniór Phra Wachirayan (alias Luang Pho Atichot).

Hamutuk ho nia, polísia mós kaptura nia kompañeira feto, Punyavee Rungreung (47), ne’ebé maka deskonfia maka’ás hanesan kúmplise ida hodi subar  ka dezvia fundu sira templu nian.

Bazeia ba mandadu tribunál nian, mane na’in-rua nia pedidu kausaun nian hetan negasaun, no sira ofisialmente hetan detensaun durante loron 12 iha Provínsia Saraburi hodi prevene manipulasaun ba evidénsia sira.

Modu Pekulasaun ba Fundu Templu nian

Investigasaun polísia nian hahú ho relatóriu anónimu ida iha fulan-Jullu nia klaran tinan 2026 kona-bá tranzasaun suspeitu sira iha mosteiru reál.

Tenente-Jenerál Natthasak no Komandante CSD Pattanasak Bupphasuwan fó sai katak eis-abade  fó sai resibu doasaun la autorizadu liu  dala-20 iha tinan rua ikus ne’e.

Totál fundu sira ne’ebé maka dezvia  hosi millaun 92 to’o millaun 100 baht (millaun tolu-resin USD), ne’ebé hetan hosi fonte prinsipál rua, mak hanesan Fundu sira ba Renovasaun Templu nian  ho montante millaun 89 baht (US$5.054.808) hosi doasaun kongregasionál sira no seluk fali mak fundu sira ba fa’an objetu Sagradu sira millaun  baht  2.8 (US$84.733) hosi pagamentu sira ba amuletu Budista sira.

Polísia konfirma katak doasaun hotu-hotu desvia diretamente ba konta pesoál hosi nia doben, no laiha baht ida maka transfere ba konta ofisiál templu nian.

Apreensaun Patrimóniu Fantástiku

Hafoin kapturasaun, ekipa polísia elite ida hala’o peskiza kle’an no ho susesu halo apreensaun ba  sasán sira ho valór millaun 215 Baht (US$6.506.282).

Patrimóniu sira ne’ebé halo apreensaun ne’e inklui Barra osan-mean sira ho todan kilograma 16 hamutuk ho jóia luxu oioin, sertifikadu propriedade rai hamutuk 28.

Polísia agora daudaun sei buka hela sasán sira ne’ebé maka sai hanesan propriedade pesoál mosteiru nian no saida maka sosa ho osan krime ne’e.

Evidénsia CCTV no Violasaun Morál sira

Aleinde akuzasaun kriminál sira kona-bá korrupsaun no brankeamentu kapitál, kazu ida-ne’e hamosu indignasaun públiku ne’ebé maka’as tanba eskándalu seksuál.

Polísia hetan evidénsia eletróniku sira hosi kámara CCTV iha monge (biksu) nia rezidénsia ne’ebé kaptura relasaun íntima sira entre Phra Wachirayan no Punyavee.

Violasaun morál grave ida-ne’e ba regra selibatu monástiku nian nesesita hasai kedas roupa ne’ebé ofisialmente hasai monge (biksu) nia estatutu relijiozu molok nia bele lori ba tribunál kriminál.

Templu Wat Phutthaisawan rasik koñesidu ho influénsia signifikativu iha Tailándia, ho seguidor sira hahú hosi emprezáriu sira to’o pesoál militár sira to’o ofisiál governu nian ho pozisaun aas. (*/CNN)