PM Xanana enkontru ho delegasaun ONU apoia eleisaun Timor-Leste

Reportajen: Maria Angelita Sandi Belo

Hatutan.com, (28 setembru 2026) Díli– Primeiru Ministru Kayrala Xanana Gusmão, Segunda (28/09/2026), halo enkontru ho Electoral Needs Assessment Mission (NAM)  ONU nian ne’ebé sei apoia Timor-Leste iha preparasaun eleisaun prezidénsia, poder lokal ho eleisaun jeral.

PM Xanana enkontru ho delegasaun ONU apoia eleisaun Timor-Leste, Segunda (28/09/2026). Foto/Média GPM

“Delegasaun ONU nian ne’e mai  ko’alia liubá eleisaun, sira sei apoiu ba Sekretariu Tekniku Administrasaun Eleitoral (STAE sigla portugués), Komisaun Nasionál Eleisoins (CNE sigla portugués)  no Sosiedade Sivíl atu kria kondisaun ba eleisaun prezidensiál, poder lokál ho lejislativu ne’ebé sei mai,” Ministru Administrasaun Estatál Tomás do Rosário Cabral informa hafoin akompaña sorumutuk importante ne’e iha Palásiu Governu.

Ministru Administrasaun Estatál ne’e konfirma ONU sei ajuda mós iha edukasaun sívika, rejistu biometriku, eleisaun iha rai-li’ur no prosedimentu tomak ne’ebé sei iha ligadu ho eleisaun nian.

“Ami sei diskute tan iha Sesta mai ne’e kona-bá  oinsá kondiaun atu servisu hamutuk, liu-liu observador internasionál,” Tomas Cabral informa.

PM Xanana Gusmão  husu observadór sira labele observa de’it iha Díli, maibé ba to’o foho sira atu halo sira nia papel nu’udar observador ho di’ak.  (*)