Hatutan.com Manán Prémiu Foto Jornalístiku Di’ak Liu Ba Tinan 2026

Jornalista: Felix Fernandes

Hatutan.com, (17 Outubru 2026), Díli –Mídia Hatutan.com sai hanesan manán na’in ba prémiu ho kategoria foto jornalístiku di’ak liu  (Prèmiu Bernardino Guterres) ba tinan 2026.

Hatutan.com manán prémiu foto jornalistiku di’ak liu tinan 2026 husi Konsellu Imprensa iha selebrasaun loron nasionál liberdade imprensa ba dala-haat, Sesta (16/10/2026). Imajen/Hatutan.com

Prémiu ne’e atribui husi Konsellu Imprensa  (KI) Timor-Leste liuhosi serimonia loron Nasionál Liberdade Imprensa  ba dala-haat (4), 16 Outubru 2022-16 Outubru 2026, ne’ebé hala’o iha Sentru Konvensaun Díli, Sesta-kalan (16/10).

Prémiu foto di’ak liu ne’e bazeia ba foto jornalístiku ne’ebé jornalista  Hatutan.com, Juvinal Cabral dos Santos (agora eis ona)  hanesan manan na’in, hasai hodi kompleta nia notísia ho titulu “Iha HNGV, Família Kous De’it Pasiente Moras Dengue Tuur iha Kadeira Hodi Baixa no Hetan Tratamentu.”, edisaun notísia  loron 30 Janeiru 2026.

Foto notísia ne’e jornalista Juvinal Cabral dos Santos hasai iha HNGV hatudu hela, “Pasiente dengue tuur deit iha kadeira hodi hetan tratamentu iha HNGV.” Ne’ebé ekipa juri sira Konsellu Imprensa nian konsidera foto ho valor aas iha aspetu interese umanu.  

Prémiu Bernadino Guterres kategoria foto jornalizmu di’ak liu ba asuntu sosiál iha mídia online no jornál, obra foto ne’ebé tama iha top selesaun juri Konsellu Imprensa nian mak hanesan primeiru Cristina Ximenes públika iha jornál Independente, segundu Natalino Correia Lopes públika iha média online Lafaek News, terseiru foto rua husi Lourdes do Rego públika iha média online Diligente, ikus foto jornalizmu rua husi Juvinal Cabral dos Santos públika iha Hatutan.com.

Entre foto jornalizmu mellor fotografia ba asuntu sosiál jornál no média online atribui ba jornalista Juvinal Cabral dos Santos husi média online Hatutan.com.

Durante Mídia Hatutan.com ne’ebé funda husi emprezáriu Timoroan, Raul Lemos, hatudu ona prestasaun hanesan media investigativu hodi manan prémiu oioin iha nivel nasionál no internasionál.

Jornalista Juvenal Cabral dos Santos manándote prémiu ho kategoria foto jornalistika diak liu tinan 2026.

Iha nivel nasoinál  mídia online Hatutan.com manán  prémiu husi Conselho de Imprensa de Timor-Leste (CI) nu’udar Mídia Nasionál Di’ak Liu Hotu (Melhor Mídia Nacional) iha ámbitu selebrasaun  loron nasionál Liberdade imprensa ba dala-rua iha Balibo, 16 Outubru  2024.

Molok ne’e iha tinan 2023, Hatutan.com mós manán Prémiu Foto Jornalístiku di’ak liu iha tinan 2023 (prémiu Bernardino Guterres) ne’ebé manan husi  Jornalista Elio dos Santos da Costa.

Iha tinan hanesan Hatutan.com manán mós Prémiu Jornalizmu Investigativu ho kategória Prémiu Francisco Borja da Costa liu husi jornalista Cipriano Colo ho notísia investigativu kona-bá kazu set-top box iha Rádiu Teelevizaun Timor-Leste, Empreza Públika (RTTL,E.P). 

Prémiu nivel internasionál ne’ebé Hatutan.com manán mak Prémiu Mundiál Anti-Korrupsaun (International Anticorruption Champions Award). Prémiu prestijiozu ne’e atibui direita husi Ministru Negósiu Estranjeiru Estadus Unidus, Antony Blinken, ba Xefe Redasaun Hatutan.com, Francisco Belo Simões da Costa, iha iha Washington  iha  loron 9 Dezembru 2023. (*)