PTR Afonso Carmona Hasoru PM Xanana Laiha Komentáriu

Hatutan.com, (20 Outubru 2026), Díli— Prezidente Tribunál Rekursu (PTR), Afonso Carmona, Segunda (19/10/2026), hasoru malu ho Primeiru-Ministru (PM), Kay Rala Xanana Gusmão. Maibé,  hafoin enkontru ne’e, Afonso Carmona la fó informasaun detallu ba jornalista sira kona-bá asuntu sira enkontru nian.

PTR Afonso Carmona. Foto/Maria Angelita Sandi Belo

Pratika komun ne’ebé hala’o iha Gabinete Primeiru-Ministru maka kaulkar entidade (individu no koletivu) bainhira ba hasoru PM Xanana sempre hato’o informasaun ba jornalista sira  ne’ebé detakadu iha Palásiu Governu hodi presta informasaun ba jornalista sira.

Situasaun sai oinseluk, bainhira remata enkontru entre PTR Afonso Carmona no PM Xanana, tanba bainhira PTR Afonso sai husi gabinete PM Xanana nian, tenta dezvia husi jornalista sira hodi lakohi fó komentáriu ba jornalista sira.

“Imi hasai de’it ha’u nia foto, ne’e mós loos ona,” Afonso Caramona lia-tun ba jornalista sira.

Hafoin ko’alia ida ne’e, PTR Afonso Carmona sa’e kedas karreta no sai husi Palásiu Governu ba nia servisu fatin

To’o agora, laiha esplikasaun públika kona-bá objetivu no asuntu prinsipál sira ne’ebé diskute iha enkontru  PTR Afonso Carmona ho PM Xanana. (*)