INTL,I.P ho PJK sei halo tradusaun ba lei rua no koletania rua

Jornalista: Felix Fernandes

Hatutan.com, (28 Outubru 2026) Díli–Iha tinan ida ne’e Imprensa Nacional de Timor-Leste, Instito Público (INTL,I.P) servisu hamutuk ho ekipa Paideia Juriskonsoltu Advogadu (PJA) sei halo tradusaun ba lei komersiál ho lei aprovisionamentu sira ho koletania  rua husi língua Portugés ba Tetum.

Prezidente Imprensa Nacional de Timor-Leste, lntitutu Públika (INTL,I.P), Jaime Correia. Foto/Felix Fernandes

Iha termu jurídiku, koletania (colectânea iha portugés) signifika kolesaun, agrupamentu ka kompilasaun husi dokumentu legál sira ne’ebé organiza hamutuk iha volume ka livru ida nia laran, bazeia ba tómiku ka matéria ruma. 

Prezidente INTL,I.P, Jaime Correia iha semináriu ne’ebé mak halo iha salaun João Paulo II,  Kuarta  (28/10/2026), afirma INTL.I.P nia servisu importante tebes oinsá bele públika kona-bá aktu sira ne’ebé mak  vizita  iha Timor-Leste liu-liu iha Jornál da República,

“Ami servisu hamutuk ho ekipa PJA  atu bele halo koletenas balun no tradusaun ba lei balun tanba lei balun ne’ebépúblika iha Jornál da República maioriaai ho língua Portugés  entau servisu hamutuk iha lei barak sira tradús ba Tetum para ita nia sidadaun sira bele no komprende di’ak liután,” Jaime Correia esplika.

Nia hatutan tan katak,c sira sei halo mós tradusaun ba lei sira kona-bá partidu polítika nian no lei sira seluk atu nune’e iha implementasaun labele fó impaktu ba sidadaun sira

“Lei partidu polítiku nian ne lei ida importante tebes ita hatene katak ita nia sidadaun ataka sei dadauk hatene di’ak Portugés ita halo tradusaun ba Tetun hodi nune’e iha implementasaun labele ida kolia A ida Kolia B ita hakarak fóhatene ba ita nia sidadaun sira para bele komprende di’ak “

Iha sorin seluk Padre. Crispim Ximenes hanesan jurista  fó hanoin katak iha tinan kotuk sira halo tradusaun ba lei rua hanesan lei laboral no lei Penal no koletania Rua no mós matéria sira seluk, ho konfiansa husi lNTL fó sira koko fó ida ne’ebé di’ak liu ba iha sistema Juridiku nian.

“Ho konfiansa husi INTL nian mai ami nia ekipa, ami koko fó ida ne’ebé di’ak liubá iha sistema juridiku ba mós profisionais de direitu ho mós ba estudante direitu sira, nune’e husi INTL promove tradusaun ida ne’ebé di’ak bele fasilita estudante Timor-oan sira no mós ba instituisaun públiku sira ne’ebé mak presiza lei sira ne’ebé mak tradusaun Tetum besik ba iha entedimentu Timor-oan atual,” saserdote ho profisaun jurista ne’e tenik. (*)