CSMJ konvoka reuniaun hatuur atividade servisu setór justisa

Jornalista: Felix Fernandes

Hatutan.com, (29 Outubru 2026), Díli— Conselho Superior da Magistratura Judicial (CSMJ), Kinta (29/10/2026), konvoka hikas reuniaun hodi hatuur atividade servisu setór justisa nian.

Prezidente Tribunál Rekursu, Afonso Carmona. Foto/Felix Fernandes

Hafoin reuniaun, Prezidente Tribunál Rekursu (PTR), Afonso Carmona, informa CSMJ tuur hamutuk  ko’alia, maibé konteudu sira ne’ebé sira diskute ne’e konsidera segredu justisa.

Ho nune’e, PTR Afonso Carmona seidauk bele pronunsia buat ruma ba jornalista sira , liuliu kona-ba deliberasaun ka rezultadu husi enkontru ne’ebé hala’o iha Tribunál Rekursu.

 “Ami foin hasoru malu fó hanoin  bá malu   oinsá servisu bá oin, karik iha deliberasaun ha’u seidauk komenta, tanba ha’u dehan segredu justisa,” hateten PTR Afonso Carmona.

Kona-bá deliberasaun bá rekursu  juíz na’in-haat ne’e, PTR Afonso Carmona afirma katak, kestaun administrativa ne’e la’o tuir ninia dalan .

Afonso Carmona hateten CSMJ sira tuur hamuk ona hodi  haree prosesu sira ne’e la’o tuir regra, atu nune’e, nomea ema bá juíz tenke haree bá regra ne’e.

Nia hateten tan reuniaun ne’e la diskuti  no la halo analizé rekursu kontensiozu kona-bádeliberasaun  transferensia Majistradu Juíz na’in-haat, husi Tribunál Díli bá  Tribunál Judisiál Primeira Instánsia Oé-Cusse, Suai no Baucau.

Majistradu Juíz na’in-haat ne’ebé hetan  transférensia husi Tribunál JUdisiál Primeira Instánsia Díli mak hanesan  Juíz  António José Fonseca Monteiro de Jesus, Ana Paula Fonseca Monteiro de Jesus, José Gonçalves no Francisca Marques Cabral.  Maibé sira la konkorda ho transferénsia ne’e maka sira  halo ona rekursu kontesiozu bá Tribunál Rekursu kontra deliberasaun Konsellu Superiór nian. (*)