DNSR apela komunidade sira uza estrada públiku tuir regra atu evita asidente tráfiku

Jornalista Felix Fernandes

 Hatutan.com, (29 Outubru 2026), Díli— Ministeriu Interior liu husi Diresaun Nasionál Seguransa Rodaviaria (DNSR) apela ba komunidade sira uza estrada públiku tuir regra ne’ebémak iha hodi evita asidente tráfiku.

Polísia Unidade Tránzitu halo apreensuan ba motór sira ne’ebé laiha dokumentu no halai la kumpre regra no regulamento rodoviariu. Foto/Felix Fernandes

Diretór Nasionál Seguransa Rodoviaria,  Elder Soares, Kinta (29/10/2026), kontinua lidera sosializasaun ne’ebé hala’o ona durante fulan ida nia laran hodi fó hanoin ba komunidade sira atuutiliza estrada públiku tuir nia regra hodi bele evita asidente iha sira nia viajen.

“Tanba besik ona loron finadu, ne’ebé hanesan tinan-tinan smepre iha movimentu ba munisípiu maka’á no  barak entaun ami iha dever ida fó hanoin sira para sira utiliza estrada públiku tuir ninia regra nune’e mós atu bele evita asidente durante sira-nia viajen,” Elder Soares hateten.

DNSR apela ba motorista sira ne’ebé kondus transporte públiku  (bus)  labele barak liu hodi nune’e labele hamosu  asidente.

Iha ámbitu sosializasaun ne’ebé mak DNSR  ho Polísia  Unidade Tránzitu hala’o husi Estrada área Elemloi to’o estasionamentu Tasi Tolu no  Becora, Polísia konsege  halo apreensaun motór tolu ne’ebé viola regras tránzitu ne’ebé regula iha Kodigu Estrada.

Sosializasaun ne’e kontinua halo iha kada munisípiu no postu sira iha territóriu Timor laran tomak. (*)