Aileu

PNTL Aileu Grante Seguransa iha Kampaña Prezidensiál To’o Aporamentu Nasionál

Published

on

Hatutan.com, (09 Marsu 2022), Aileu- Polísia Nasionál Timor Leste (PNTL) Munisípiu Aileu garante  asegura seguransa  iha ámbitu kampaña to’o eleisaun prezidensiál períodu 2022-2027.

Segundu Komandante PNTL Munisípiu Aileu, Superintendente Antonio L. Soares. Foto/Hatutan.com

Segundu Komandante PNTL Munisípiu Aileu, Superintendente Antonio L. Soares, ba jornalista sira iha, resintu eskuadra PNTL Aileu, Kuarta (09/03/2022), hateten provizoriamente tama ba loron da-hituk kampaña eleitorál kandidatu Prezidente Repúblika sira iha Munisípiu Aileu situasaun siguransa kontroladu tamba militante no apoiante sira kolabora di’ak ho parte hotu atu mantein páz no estabilidade.

“Ita iha membru efetivu PNTL sufisiente no Komandu Jerál apoiu tan Unidade Espesiál (UEP) husi Batellaun Ordem Públika (BOP) atu fortifika servisu siguransa iha Aileu durante kampaña to’o iha loron eleisaun no apuramentu nasionál,” Antonio L. Soares hateten.

Atu asegura prosesu kampaña PNTL Munisípiu Aileu servisu hamutuk ho orgaun eleitorál sira hanesan Komisaun Nasionál Eleisaun (CNE) no STAE hodi halo supervizaun ida efetivu hodi asegura militante sira labele viola regra eleitorál, liuliu regra sira kona-ba kampaña nian.

Advertisement

“Ita haree militante sira disiplina no sira obedese ba lei tranzitu nian no durante kampaña sira iha komportamentu di’ak,” tenik nian.

PNTL Munisípiu Aileu nafatin firme hodi garante siguransa iha fatin kampaña sira no liliu iha loron eleisaun no apuramentu nasionál tanba komandu  jerál sei apoiu tan membru PNTL hamutuk na’in-30 husi BOP.

Jornalista: Vito Salvador

Advertisement

Husik Hela Komentariu

Your email address will not be published. Required fields are marked *

Trending

Exit mobile version