Espoza Prezidente Repúblika Agradese UEA Tanba Fasilita TL iha Expo Dubai

Hatutan.com, (29 Marsu 2022), Díli—Governu Dubai, Uniaun Emiradu Árabe (UEA), liu hosi embaixadór ba Timor Leste Abdulah Salem AdDahari konvida Espoza Prezidente Repúblika, Cidália Lopes Nobre Mouzinho Guterres hodi ofrese Jantar konfraternizasaun.

Governu Dubai, Uniaun Emiradu Árabe (UEA), liu hosi embaixadór ba Timor Leste Abdulah Salem AdDahari konvida Espoza Prezidente Repúblika, Cidália Lopes Nobre Mouzinho Guterres hodi ofrese Jantar konfraternizasaun. Foto/Média PR.

Espoza Prezidente Repúblika Cidália Lopes Nobre Mouzinho Guterres  espressa gratidão ba Governu ho Povu UEA, ba apoiu tomak ne’ebé fó ba Timor-Leste hodi selebra loron Nasional iha Expo Dubai 2020 iha loron 18 Otubru 2020 no mós sente honra boot tanba hetan apoiu ba pavilaun Timor-Leste nian.

Notisia iha Relasaun:Espoza Prezidente Repúblika Manán Prémiu GWLHOF ba Luta Kontra Dezigualdade

“Hodi Estadu Timor Leste nia naran ho povu tomak ami konvida Governu Emirates Árabes Unidus atu vizita Timor-Leste hodi hala’o kooperasaun liu tán iha future,” Hatutan.com sita  komunikadu.

Embaixadór Emirates Árabes Unidus ne’ebé hela iha Jakarta, mai iha Dubai atu konvida Espoza Prezidente Repúblika hodi ko’alia ho Espoza Prezidente kona-bá involvementu iha Expo Dubai 2020.

Embaixadór Emirates Árabes Unidus Abdulah Salem AdDahari hateten ho aprosimasaun sira ne’e bele habelar relasaun amizade hodi ba multilatelár ho bilateral, nune’e iha esperansa katak Timor-Leste mós bele estabelese lalais embaixada iha Dubai.

Notisia iha Relasaun:Eskluzivu: Joseph Issa Hosi Lebanon Nu’udár Komisáriu Jerál TL ba Expo Dubai

Jornalista: Vito Salvadór