Jornalista: Felix Fernandes

Hatutan.com, (27 Outubru 2026), Díli—Polísia Sientífika Investigasaun Kriminál (PCIC) sei halo koordenasaun ho  entidade internasionál sira hanesan INTERPOL, no parseiru internasionál sira seluk hodi halibur  prova sira kona-bá atividade ilísitu scam call centre.

Diretór Nasionál PCIC, Vicente Fernandes e Brito. Foto/Felix Fernandes

Diretór Nasionál PCIC,  Vicente Fernandes e Brito, Tersa (27/10/2026), konfirma katak daudaun ne’e PCIC simu delegasaun husi Majistratura Ministru Públiku no halo hela investigasaun ba krimi fraude online  ka scam call centre tanba ne’e tenki koopera ho entidade internasionál sira,

“Laiha dalan seluk, ita tenke koopera ho entidade internasionál hanesan INTERPOL  ho mós parseiru internasionál sira seluk, ita presiza iha medida prevensaun, ita presiza hasae koñesimentu komunidade kona-bá sasán sira ne’ebé mak ita uza ba eletroniku,”  Vicente Fernandes e Brito inform aba jornalista sira.

Nia hateten importante tebes oinsá mak bele hasae kapasidade kona prevensaun no kapasidade depresivu, oinsá investiga tanba ne’e tenke koordena nafatin ho entidade internasionál sira hodi rekolla prova sira.

Ligadu ho autor sira ne’ebé mak laiha ona iha Timor-Leste,  PCIC sei uza lei kooperasaun matéria Penal hodi establese no halo rekerementu karta interogatoriu  ba nasaun ne’ebé mak  autór  sira hela ba hodi nune’e  autor sira bele priense rekisitu sira iha Timor-Leste.

Ligadu ho jogu scam call centre dadaun ne’e polísia PCIC  simu delegasaun kompetensia husi Ministériu públiku hamutuk 15. (*)