Hatutan.com, (19 Abríl 2022), Díli—Kandidatu Prezidente Repúblika ho númeru sorteiu ida (1), José Manuel Ramos-Horta, provizoriamente lidera ho votu 33 hasoru Francisco Guterres “Lú Olo” ne’ebé akumula votu 24 iha Korea do Súl.
Kandidatu Prezidente Repúblika ho numériu sorteiu ida (1), José Manuel Ramos-Horta. Foto/Hatutan.com
Dadus ne’ebé Hatutan.com sita husi Agéncia Notisioza Portugál LUSA, Tersa (19/04/2022), kona-bá eleisaun prezidensiál segunda volta iha Korea do Súl, hatudu kandidatu bá Prezidente Repúblika, José Ramos-Horta gaña votu husi timoroan sira iha Korea do Súl 33 (57,89%) no Francisco Guterres “Lú Olo” hetan votu 24 (42,11%) husi total eleitór 52 (100%).
Baze bá dadus husi LUSA nian ne’e hatudu katak taxa partisipasaun eleitór iha Korea do Súl bá eleisaun segunda volta ne’e tuun kompara ho eleisaun prezidensiál primeira volta iha loron 19 fulan-Marsu liubá.
Advertisement
Iha eleisaun prezidensiál primeira volta, total eleitór timoroan ne’ebé ejerse nia direitu votu 275. Nune’e, iha tempu ne’ebá kandidatu Prezidente Repúblika, José Ramos-Horta hetan votu 222 no kandidatu Prezidente Repúblika, Francisco Guterres “Lú Olo” hetan votu 53.