Desportu
Teófilo Freitas Oferese Medalla Osan Mean Da-ruak ba TL
Hatutan.com, (04 Agostu 2022), Díli—Atleta Para Games Timor Leste, Teófilo Freitas hatudu presatasaun di’ak iha ASEAN Para Games solo-Indonésia hodi oferese tán medalla osan mean da-ruak ba Timor-Leste iha modalidade Atletizmu ho kategoria kurrida metru 400.
Lee Mós: ASEAN Para Games 2022, Atleta Timor-Leste Oferese Medalla Osan Mean Tolu
Iha ASEAN Para Games Solo-Indonésia ba dala XI ne’e, nasaun Indonesia mak provizoriamente tur iha primeira klasifikasaun ho medalla Osan mean (86) osan mutin (65) no osan metan (50) totál medalla 201.
Tailândia okupa segunda klasifikasaun ho medalla Osan mean (63), osan mutin (56) no osan metan (39) total medalla 158.
Terseira klarifikasaun Vietnam ho medalla Osan mean (31) osan mutin (33) no osan metan (32) totál medalla 86.
Atleta Para Games Timor Leste, Teófilo Freitas ne’ebé simu tán medalla osan mean daruak hodi oferese ba TL iha modadlidade Atletizmu kategoria kurrida metro 400, iha Solo Indonézia. Foto/MEJD.
Tuir fali Malásia ho medalla Osan mean (15) osan mutin (11) no osan metan (3) totál medalla 29, Filipinas ho medalla Osan mean (12) osan mutin (13) no osan metan (27) total medalla 52.
Alende ne’e Miamar ho medalla Osan mean (9) osan mutin (3) no osan metan (6) total medalla 18 no Singapura ho medalla Osan mean (4) osan mutin (4) no osan metan (8) total medalla 16.
Timor Leste rasik tur iha pozisaun da VIII ho medalla osan mean (4), osan mutin (2) no osan metan (5) nune’e provizoriamente Timor Leste rekolla medalla 11 no ida ne’e hatudu pozisaun Timor Leste di’ak liu nasaun rua seluk hanesan Laos ne’ebé rekolla de’it medalla 6 (Osan mutin 2 no osan metan 4) enkuantu Brunei Darussalam seidauk rekolla medalla ida no hela iha zona okos ho zero medalla.
Jornalista: Vito Salvadór