Polítika
Semana oin, PN Submete Redasaun Fínal Proposta Alterasaun Lei CAC bá Prezidente Repúblika
Hatutan.com, (26 Abríl 2024), Díli—Komisaun A Parlamentu Nasionál (PN) ne’ebé trata asuntu Lejizlasaun no Justisa, halo ona pareser no redasaun final bá proposta Lei, 2ª alterasaun bá Lei n°8/2009, 15 de Jullu kona-bá Komisaun Anti-Korrupsaun (CAC siglá portugés). Nune’e, semana oin, sei submete redasaun final bá Prezidente Repúblika atu promulga.
Lee Mós: PN Aprova Projetu Alterasaun Lei CAC iha Finál Globál
Prezidente PN, Maria Fernanda Lay. Foto/Hatutan.com
Prezidente Parlamentu Nasionál (PPN) Maria Fernanda Lay, to’o oras ne’e nia parte seidauk asina redasaun final hodi hein Prezidente Repúblika, José Ramos-Horta, fila hosi nia vizita Estadu bá Portugál mai foin bele submete bá PR hodi promulga.
PPN Maria Fernanda Lay, Sesta (26/04/2024), informa nia haree simples bá artigu 2 ne’ebe altera, maibe artigu 2 ne’e la hamrik mesak tenke liga mós ho artigu seluk tuir jurista sira dehan.
Iha loron 22 fulan-Abríl 2924, Parlamentu Nasionál aprová proposta Lei, 2ª alterasaun bá Lei n°8/2009, 15 de jullu kona-bá Komisaun Anti-Korrupsaun (CAC siglá portugés) iha final global.
Jornalista: Leopoldina de Carvalho