Tribunál Supremu Justisa Rona Testemuña Na’in-hitu Kona-bá Kazu Fujitivu Teves Jr

Hatutan.com, (11 Juñu 2024), Díli – Tribunál Supremu Justisa ka Tribunál Rekursu,   Tersa  (11/06/2024), halo audisaun bá fujitivu Arnolfo Teves Jr hodi rona mós depoimentu husi testemuña  na’in-hitu (7) ne’ebé defeza aprezenta.

Lee Mós: Tribunál Rekursu Liberta Fujitivu Teves Jr Oras Balun De’it Polísia Kaptura Fali

Fujitivu Arnolfo Tves Jr (uza roupa detidu) submete bá prosesu audisaun iha Tribunál Supremu Juastisa, Tersa (11/06/2024). Foto/Elio dos Santos da Costa

José Ximenes, advogadu privadu ne’ebé fó asisténsia legal bá fujitivu Teves Jer  hateten, data audisaun ba nia kliente hodi rona testemuña sira ne’ebé defeza sira aprezenta hamutuk na’in-hitu (7) no dahuluk rona ona na’in-ida (1) ne’ebé uluk sai hanesan sekretaria husi Tevez Jr  no liutiha oras balun rona tan testemuña  Ferdinato Pasio, advogadu  koñesidu iha Filipina nian no mós ho sira-nia depoimentu ba prosesu id- ne’e,” antigu Prokuradór Jerál Repúblika,   José Ximenes, hateten bá jornalista sira iha resintu Tribunál Supremu Justisa ka Treibunál Rekursu, Díli.

Tuir nia, faktu sira ne’ebé testemuña sira  foka liu mak kona-bá persegisaun sira ne’ebé halo autoridade Polisiál sira Filipina nian hasoru Tevez Jr kona-bá asasinatu sira ne’ebe nia envolve. Nune’e, testemuña primeiru ne’ebé mai Polísia  Filipina sira kestiona barak hodi  hateten katak Fujitivu ne’e la hakarak atu bá prizaun  ka la koopera hos justisa iha Filipina.

Durante sira halo investigasaun iha Filipina ne’e sira hakarak testemuña atu kondena Tevez Jr. Ida mak ninia sekretaria ne’e nune’e ida-ne’e la’ós krime depois mak fó tan informasaun sira tuir mai.

“Ita-boot sira bele hatene Timor-Leste Grasas Adeus nunka akontese hanesan ne’e iha ita-nia istória mas imi haree took istória Filipina nian sira-nia lider barak mate ho persegisaun,” José Ximenes haktuir.

“Ha’u triste karik ida-ne’e akontese iha Tribunál Distritál bele korrije mas akontese iha Tribunál  Supremu Justisa husik ema la to’o oras kaer fali. Ha’u haree prosesu ida-ne’e hanesan ladún justu tanba pedidu formal  via diplomátiku kuandu la mai ne’e autoridade sentrál iha pozisaun ida-ne’e mak Prokuradoria Jerál  Repúblika (PGR) dezde inísiu ne’e rejeita kedas sira bolu dehan indefirialmente katak indifire imi nia pedidu ne’e i labele to’o ona iha Tribunál,” José Ximenes hateten.

Iha Tribunál mós kuandu hatene katak ninia pedidu formal hosi estadu Filipina pedidu via diplomátiku kuandu la tama, tribunál mós labele aseita hodi tau nia to’o tiha iha loron 80 depois mak dehan nia determinasaun ida horibainhira ne’e ninia pedidu formal ne’e mak la to’o lalais no nia via diplomátiku mak la iha mak  tenke hasai nia.

Fujitivu Arnolfo Tves Jr submete bá prosesu audisaun iha Tribunál Supremu Juastisa, Tersa (11/06/2024). Foto/Elio dos Santos da Costa

“Ita imajina ita ne’e país demokrátika ita nia Konstituisaun harii buat ida direitus umanus nune’e ba Ema sira iha prizaun laran ne’e buat ida loron 80 naruk teb-tebes. Ha’u triste tanba Governu Filipina la sériu nia hakarak estradita ami nia kliente mas ninia pedidu ne’e la tuir regra ita-nian nian, fujitivu ne’e tama to’o loron 40 iha prizaun tuir loloos iha loron 30 fulan-Abríl liubá pedidu tenke submete ona mai, maibé momentu to’o iha loron 30 fulan-Abríl 2024 pedidu formal via diplomátiku hosi Filipina ne’e la mai. Tanba ne’e, ami halo dala rua adiskorpu tuituir malu para hasai nia no Tribunál la aseita ikus mai mak sira dehan katak nia pedidu diplomátiku la mai entaun nia tenke sai nune’e ba oin falta loron 9 de’it ona nia tenke hasai ona hosi prizaun tanba tuir lei kooperasaun judisiáriu internasionál másimu ne’e to’o loron 90 de’it. Tan de’it, ita hein fali ba sira entaun mai submete ba audisaun ida -e’e depois aban atu hatete tan para atu aplika tan medida koasaun foun, ida ne’e ami hanoin ita halimar demais. Lolos iha loron 30 fulan-Abríl mak pedidu ne’e la mai  Tevez Jr ne’e tenke iha li’ur ona,” José Ximenes afirma.

Hakarak hateten tuir loloos depois de loron 40 nia laran mak la iha estradisaun via diplomátiku mai hosi Filipina entaun liberta kedas nia halo nusa mak horiseik depois  loron 40 hotu tuir halo tan  loron 80 kompletu mak konselleiru sira seluk dehan tenke liberta depois liberta tiha iha oras balun de’it ba kaer fila fali.

Prosesu audisaun ne’e prezide hosi Juiz titulár, Juiza Jacinta Correia. Ministériu Públiku reprezenta husi Prokuradór Jacinto Babo no fujitivu Arnolfo Teves Jr hetan asisténsia hosi Advogadu privadu José Ximenes inklui Advogadu privadu na’in-rua tán.

Jornalista Estajiáriu:  Lazaro Pereira Quefi