CNRT husu PNTL ho PCIC Buka Hatene Ema Sira Partilla HOAX Kona-bá Stoke Ai-Moruk

Hatutan.com, (15 Jullu 2024), Díli– Bankada Parlamentár CNRT liuhusi sira-nia deklarasaun polítika iha plenária PN, Segunda (15/07/2024), husu bá autoridade polisiál, hanesan Polísia Nasionál Timor-Leste (PNTL) ho Polísia Sientífika Investigasaun Kriminál (PCIC) u Nasionál liuhosi Deputada Cedelizia  Faria dos Santos husu Polisia Nasionál Timor-Leste (PNTL), Polisia Nasionál Investigasaun Kriminál (PSIK) atu buka hatene pesoál sira,  inklui deputadu sira ne’ebé mak fahe informasaun falsu ka HOAX relasiona no stoke ai-moruk.

Lee Mós: CAC, CFP, IJE ho DJJPE Konfirma Ai-moruk iha INFPM Sufisiente To’o 2025

Membru PN husi Bamkada CNRT, Cedelizia Faria dos Santos. Foto/Tome da Silva

Deputada CNRT, Cedelizia Faria dos Santos, apresia bá ekipa konjuntu ne’ebé kompostu husi Komisaun Anti-Korrupsaun  (CAC siglá portugés), Komisaun Funsaun Públika (KFP) no Ispektór Jeral Estadu no mós Patrimóniu Estadu ne’ebé halo sira nian vizita supreza báInstitutu Nasionál Farmásia no Produtu Medikamentu (INFPM) ho  Ospitál Nasionál Guido Valadares (HNGV) iha loron 09 fulan-Jullu 2024, hodi haree stoke ai-moruk no problema sira seluk iha setór saúde nian.

“Husi vizita supreza ida-ne’e ha’u akompañia notisia  husi média balu ne’ebé fó sai ekipa konjunta ida-ne’e deklara bá públiku katák preokupasaun sira ne’ebé liuhosi média no baibain intervenzaun husi deputada sira iha uma fukun ida-ne’e laiha bazé. Tuir sira nian vizita supreza ne’e sira hateten katák stoke ai-moruk ne’ebé  levanta bei-beik husi uma-fukun PN no média balun nlaiha baze tanba  realidade estoke out ai-moruk  iha hela kategoria normal,” Deputada Bankada CNRT Cedelizia Faria dos Santos iha nia intervenzaun.

“Ha’u la’ós parte husi ema saúde maibé ha’u haree rezultadu husi ekipa konjunta fó sai ne’e, ida-ne’e sira  bá ho supreza ne’ebé ida-ne’e mak loloos,” nia tenik.

“Ha’u husu bá Governu liuliu PNTL ho PCIC atu bele halo investigasaun bá ema sira ne’ebé mak fó sai informasaun falsu iha média, liuliu ita nian deputadu sira, balu mak fó informasaun falsu karik husu PNTL ho PCIC tenke halo investiga mós, tanba ida-ne’e ita fó ameasa bá Saúde Públika no ita mós hanesan fó ameasa fali bá ita nia komunidade sira atu ta’uk bá konsulta no dadus husi rezultadu vizita supreza ida-ne’e mak dadus loloos,” Cedelizia Faria dos Santos hateten.

Iha biban ne’e membru PN husi Bankada KHUNTO, António Verdiál liuhosi sira nian deklarasaun Politíka Bankada KHUNTO kontinua kestiona katák  asuntu Saúde sai polemiká daudaun ne’e ema  akompañia haree, rona no observa katák menus pessoál saúde hodi halo atendimentu no sériu tebes wainhira laiha ai-moruk hodi operese bá pasiénte ho problema Saúde ne’ebé mak ohin loron sai kestionvél bá vida umana.

Hatán bá kestaun ne’e Sekretária Estadu Igualdade (SEI) Elvina Sousa ne’ebé reprezenta Governu iha plenária PN nian ne’e hateten, IX Governu la estraga sistema saúde, maibé tenta atu  bele hadi’a sistema saúde atu bele mellora servisu saúde ne’ebé di’ak no kualidade bá povu Timor-Leste.

Jornalista Estájiaria: Zita Menezes